VSK-100

VSK-100
Тып:	аўтамат
Гісторыя службы
Выкарыстоўвалася:
Гісторыя вытворчасці
Канструктар:	«Белспецзнештэхніка»
Распрацаваны:	2017—2019
Вытворца:	ААТ «Кідма тэк»
Гады вытворчасці:	з 2020
Калібр, мм:	7,62x39

Дагледжаная версія гэтай старонкі, зацверджаная 19 студзеня 2024, была заснавана на гэтай версіі.

VSK-100 — беларуская аўтаматычная вінтоўка калібра 7,62x39 мм, распрацаваная кампаніяй «Белспецзнештэхніка» на базе АКМ. Вырабляецца ААТ «Кідма тэк».

Распрацоўка стала першым узорам беларускай стралковай зброі, прынятым на ўзбраенне^[2].

Гісторыя і характарыстыка

У 2017 годзе ДВТУП «Белспецзнештэхніка» з даччыным прадпрыемствам ТАА «БСЗТ — новыя тэхналогіі» пачалі работы па стварэнні ў Беларусі вытворчасцей стралковай зброі і боепрыпасаў. Адным з новых распрацовак стаў карабін (аўтамат) VSK-100BP. Запуск вытворчасці пачаўся ў студзені 2020 года. Камплектуючыя да зброі вырабляюць у Мінску, а сама зборка праходзіць у вёсцы Станькава пад Дзяржынскам. Патроны 7,62x39 мм, прызначаныя для аўтамата, таксама вырабляюцца ў Беларусі, а менавіта ў Оршы.

У лістападзе 2020 года завяршыліся палявыя выпрабаванні стралковай зброі і боепрыпасаў. На працягу некалькіх тыдняў на базе 19-й асобнай механізаванай брыгады Паўночна-Заходняга аператыўна камандавання па спецыяльнай методыцы правяраліся аўтаматы VSK-100, VSK-100BP (бул-пап), патроны калібра 7,62х39, 9х19, а таксама пісталет ПВ-17.

Была праведзена адпрацоўка і на жывучасць ствала, калі пасля некалькіх тысяч стрэлаў VSK-100 тэставалі на дакладнасць і кучнасць бою. Акрамя асноўных пунктаў методыкі, аўтаматы правяраліся яшчэ па двух дадатковых. VSK-100 абсталёўваўся сошкамі і аптычнымі прыцэламі і ўжываўся, як пазаштатная замена снайперскай вінтоўкі, выкарыстоўваўся ён і ў варыянце лёгкага ручнога кулямёта. Вынікі стрэльбаў паказалі, што пры ўжыванні сошак і аптычных прыцэлаў характарыстыкі дакладнасці і кучнасці стральбы ў VSK-100 на дыстанцыі 100 метраў павялічваюцца да двух разоў.

У пачатку 2021 года прыняты на ўзбраенне беларускай арміі^[3] і ўнутраных войск^[4].

Варыяцыі

Распрацавана мадэль пад патрон .223 Rem (5, 56x45 мм), якая атрымала найменне VSK-100-223^[5].

У чэрвені 2021 года прэзентавана мадыфікацыя SMAR-100BPM з кампаноўкай бул-пап.

Экспарт

У верасні 2021 года прайшлі выпрабаванні аўтамата ў Інданезіі. На іх прысутнічаў намеснік камандуючага марской пяхотай брыгадны генерал Эндзі Супардзі. Зброя падвяргалася стральбе пасля апускання ў марскую ваду, бруд і пясок. Планавалася, што VSK-100-223 паступіць на ўзбраенне марской пяхоты^[6].

У кастрычніку 406 адзінак VSK-100 паступілі на ўзбраенне паліцыі пакістанскай правінцыі Хайбер-Пахтунхва. Аўтаматы мясцовым паліцыянтам уручыў асабіста Генеральны інспектар паліцыі правінцыі Маазам Джа Ансар^[7].

Зноскі

Спасылкі

Револьвер для ФСБ и необычный калашников: что посмотреть на выставке MILEX-2019Архівавана 26 лютага 2021. // TUT.BY, 16 мая 2019
РЕПОРТАЖ: Карабины идут на экспорт: как в Беларуси производят стрелковое оружие // БЕЛТА, 18 января 2020
В Беларуси прошли испытания нового стрелкового оружия // СБ. Беларусь сегодня, 26 ноября 2020

[1] Белорусские пистолеты и автоматы, патроны к ним, авиационные ракеты и современная бронетехника. Лукашенко посетил объекты ВПК в Оршанском районе

[2] В Госкомвоенпроме рассказали об испытаниях белорусского автомата VSK-100

[3] Военнослужащие 120-й отдельной гвардейской механизированной бригады испытали новое отечественное оружие

[4] Делегация Росгвардии посетила спецподразделения ВВ и МВД Беларуси // СБ. Беларусь сегодня, 1 февраля 2021

[5] Аўтамат VSK–100–223 калібра .223 Rem (5,56x45 мм) Архівавана 21 снежня 2021.

[6] В сентябре этого года в Индонезии прошли испытания 5,56-мм автомата VSK-100-223.

[7] Первая партия белорусских автоматов VSK-100

[1]

[2]

[3]

[4]

[5]

[6]

[7]