Унутраныя войскі Міністэрства ўнутраных спраў Рэспублікі Беларусь

З Вікіпедыі, свабоднай энцыклапедыі
Унутраныя войскі Міністэрства ўнутраных спраў Рэспублікі Беларусь
Гады існавання 1991—цяперашні час
Краіна  Беларусь
Падпарадкаванне Міністэрства ўнутраных спраў Рэспублікі Беларусь
Тып воінскае фарміраванне і жандармерыя
Складаецца з 6 асобных спецыяльных міліцэйскіх брыгад, Спецыяльны атрад хуткага рэагавання (САХР), Брыгаду Спецыяльнага Прызначэння, Асобны Батальён Аховы БелАЭС
Колькасць каля 12 тыс. чал.
Мянушка ВВ
Дэвіз «Ніхто, акрамя нас — Доўг! Гонар! Айчына!»
Удзел у

Унутраныя войскі Міністэрства ўнутраных спраў Рэспублікі Беларусь — дзяржаўная вайсковая арганізацыя Беларусі. Мае на мэце абарону праў грамадзян, канстытуцыйнага ладу, бяспекі і суверэнітэту Беларусі ад злачынных замахаў.

Гісторыя[правіць | правіць зыходнік]

3 чэрвеня 1993 года быў прыняты Закон Рэспублікі Беларусь «Аб унутраных войсках Міністэрства ўнутраных спраў Рэспублікі Беларусь», пачаўся працэс змяненняў і рэфармавання войскаў. У 1994 годзе ў склад унутраных войскаў былі ўключаныя штабы грамадзянскай абароны. 8 лістапада 1995 года Указам Прэзідэнта Рэспублікі Беларусь № 451-38 былі зацверджаны арганізацыйная структура і дыслакацыя ўнутраных войскаў.

22 кастрычніка 2001 года быў падпісаны Указ № 601 «Аб заснаванні нагруднага знака ўнутраных войскаў Міністэрства ўнутраных спраў Рэспублікі Беларусь» «За самаадданую службу».

У 2003 годзе Палатай прадстаўнікоў Нацыянальнага сходу Рэспублікі Беларусь прынята новая рэдакцыя Закона «Аб унутраных войсках Міністэрства ўнутраных спраў Рэспублікі Беларусь».

У 2020 годзе пад камандаваннем генерал-маёра Юрыя Назаранкі ўнутранымі войскамі было здзейсненае беспрэцэдэнтна жорсткае здушэнне мірных пратэстаў пасля прэзідэнцкіх выбараў у Беларусі 2020 года.

У 2023 годзе ўнутраныя войскі папоўніліся новымі спецпадраздзяленнямі[1][2]: брэсцкі атрад «Шторм» (в/ч 5526), гродзенскі «Тайфун», гомельскі «Буран», астравецкі «Цыклон» (в/ч 7434[3]), мінскія «Тарнада» (в/ч 3310), «Рысь» і «Беркут» (абодва в/ч 3214[4]). Апошнія два ўкамплектаваны добраахвотнікамі і ветэранамі. У склад «Тарнада», акрамя беларусаў, увайшлі расійскія «вагнераўцы»[5].

Мэты і задачы[правіць | правіць зыходнік]

Дзейнасць рэгулюецца Законам ад 3 чэрвеня 1993 г. № 2341-XII «Аб унутраных войсках Міністэрства ўнутраных спраў Рэспублікі Беларусь». Перад унутранымі войскамі МУС Беларусі пастаўлены наступныя мэты і задачы:

  • аказанне садзейнічання органам унутраных спраў у ахове грамадскага парадку, у тым ліку забеспячэнні грамадскай бяспекі, рэжымаў надзвычайнага і ваеннага становішчаў;
  • ахова папраўчых калоній, лячэбных папраўчых устаноў і ажыццяўленне сумесна з іх адміністрацыямі нагляду за асуджанымі;
  • канваяванне і ахова асуджаных і асоб, якія ўтрымліваюцца пад вартай;
  • удзел у вышуку асоб, якія ўцяклі з-пад аховы і нагляду ў папраўчых установах, ад вайсковых каравулаў пры канваяванні;
  • ахова асабліва важных дзяржаўных аб’ектаў і спецыяльных грузаў;
  • абясшкоджванне і знішчэнне неразарваўшыхся авіяцыйных боепрыпасаў, іншых неразарваўшыхся боепрыпасаў у населеных пунктах, правядзенне работ па праверцы паведамленняў аб устаноўцы выбуховых прылад, іх выяўленні, абясшкоджванні і знішчэнні на ўсёй тэрыторыі Рэспублікі Беларусь;
  • удзел у тэрытарыяльнай абароне Рэспублікі Беларусь.

Склад войска[правіць | правіць зыходнік]

Вольнае войска каля 12 тысяч чалавек. Структура:

Камандуючыя[правіць | правіць зыходнік]

Начальнікі штаба[правіць | правіць зыходнік]

Міжнародныя санкцыі[правіць | правіць зыходнік]

У выніку выбараў і пратэстаў Беларусі ў 2020 годзе некаторыя кіраўнікі ўнутраных войскаў трапілі пад санкцыі. Так, 2 кастрычніка 2020 года у Чорны спіс Еўрасаюза ўключылі камандуючага УВ Юрыя Назаранку і яго намесніка Хазалбека Атабекава[6][7], 17 снежня — першага намесніка камандуючага ўнутранымі войскамі — начальніка штаба Ігара Бурмістрава[8], 21 чэрвеня 2021 года — новага камандуючага УВ Мікалая Карпянкова[9]. Супраць іх таксама ўвялі санкцыі Вялікабрытанія[10] і Швейцарыя[11]. Акрамя таго, Атабекаў, Назаранка і Карпянкоў былі ўключаныя ў санкцыйны спіс Канады[12][13] і спіс спецыяльна прызначаных грамадзян і заблакіраваных асоб ЗША[14][15]. 21 чэрвеня 2021 года пад санкцыі ЗША трапілі і самі ўнутраныя войскі[15].

У 2022 годзе Унутраныя войскі трапілі ў чорныя спісы Еўрасаюза, Швейцарыі і Японіі[16], у жніўні 2023 года – пад санкцыі Канады[17].

Гл. таксама[правіць | правіць зыходнік]

Зноскі

  1. ↑ Три новых отряда спецназа создали в Беларуси
  2. ↑ В Белоруссии появилось новое подразделение спецназа
  3. ↑ Отряд специального назначения «Циклон» разместится в Островецком районе
  4. ↑ Глава МВД высоко оценил боевую готовность и мобильность добровольцев из отрядов «Честь» и «Смерч»
  5. ↑ Боевики «Вагнера» вошли в состав спецназа МВД Беларуси? По крайней мере есть две приметы
  6. ↑ Council Implementing Regulation (EU) 2021/339 of 25 February 2021 implementing Article 8a of Regulation (EC) No 765/2006 concerning restrictive measures in respect of Belarus (англ.) (26 лютага 2021). Праверана 24 ліпеня 2021.
  7. ↑ 40 беларускіх чыноўнікаў, якія трапілі пад санкцыі Эўразьвязу. Сьпіс (бел. (тар.)). Беларуская служба Радыё «Свабода» (2 кастрычніка 2020). Праверана 13 верасня 2021.
  8. ↑ Два бізнэсоўцы і кампаніі ВПК: хто трапіў пад чарговыя санкцыі і што гэта за кампаніі (бел. (тар.)). Беларуская служба Радыё «Свабода» (17 снежня 2020). Праверана 9 верасня 2021.
  9. ↑ Еўразвяз зацвердзіў новы пакет санкцыяў супраць прадстаўнікоў Беларусі. Хто ў спісе? (руск.). Белсат (21 чэрвеня 2021). Архівавана з першакрыніцы 27 чэрвеня 2021. Праверана 27 чэрвеня 2021.
  10. ↑ Consolidated List of Financial Sanctions Targets in the UK (англ.). Office of Financial Sanctions Implementation HM Treasury (25 чэрвеня 2021). Праверана 19 верасня 2021.
  11. ↑ Searching for subjects of sanctions
  12. ↑ Backgrounder: Belarus sanctions (англ.). Міністэрства міжнародных спраў Канады  (англ.) (бел.} (29 верасня 2020). Праверана 19 верасня 2021.
  13. ↑ Backgrounder ­­­­– Sanctions related to Belarus (англ.). Міністэрства міжнародных спраў Канады  (англ.) (бел.} (21 чэрвеня 2021). Праверана 19 верасня 2021.
  14. ↑ Treasury Sanctions Belarus Officials for Undermining Democracy (англ.). Міністэрства фінансаў ЗША (2 кастрычніка 2020). Праверана 19 верасня 2021.
  15. ↑ а б Treasury and International Partners Condemn Ongoing Human Rights Abuses and Erosion of Democracy in Belarus (англ.). Міністэрства фінансаў ЗША (21 чэрвеня 2021). Праверана 18 верасня 2021.
  16. ↑ Внутрішні війська Міністерства внутрішніх справ Республіки Білорусь(недаступная спасылка). Архівавана з першакрыніцы 13 красавіка 2023. Праверана 13 красавіка 2023.
  17. ↑ Санкцыі супраць рэжыму Лукашэнкі пашырыла Канада. Наша Ніва (9 жніўня 2023).
Узята з "https://be.wikipedia.org/w/index.php?title=Унутраныя_войскі_Міністэрства_ўнутраных_спраў_Рэспублікі_Беларусь&oldid=4711641"