Google search

З Вікіпедыі, свабоднай энцыклапедыі
Google search
Выява лагатыпа
Галоўная старонка «Google».
Галоўная старонка «Google».
URL Google.com
Тып сайта Пошукавая машына
Рэгістрацыя Па жаданні
Мова(-ы) Беларуская і 122 іншыя (2015)
Мова праграмавання C, мова праграмавання, C++ і Python
Уладальнік Google
Аўтар Сяргей Міхайлавіч Брын і Лары Пэйдж
Пачатак працы 15 верасня 1997[1]
Рэйтынг Alexa 1
Лагатып Вікісховішча Медыяфайлы на Вікісховішчы

Google search — пошукавая сістэма ад Google, якая займае першае месца па колькасці карыстальнікаў у Сеціве — 84,91 %[2][3]. Google апрацоўвае сотні мільёнаў запытаў штодзень. Першапачаткова сістэма была распрацавана Лары Пэйджам і Сяргеем Брынам у 1997 годзе[4].

Акрамя, натуральна, пошуку па словах, Google падтрымлівае іншыя карысныя функцыі: сінонімы, прагнозы надвор’я, часавыя поясы, біржавыя індэксы, карты, звесткі пра землятрасенні, расклады паказу фільмаў і гэтак далей. Акрамя гэтага, падтрымліваецца канвертацыя адзінак вымярэння і грошаў, вылічэнні (3*4+sqrt(6)-pi/2), пошук па патэнтах і іншае.

Вынікі пошуку выводзяцца суадносна са спецыяльнай тэхналогіяй «PageRank», якая з’яўляецца камерцыйнай тайнай. Акрамя гэтага, завалоданне інфармацыяй пра алгарытм працы PageRank можа сапсаваць вынікі ў выгаду спамераў. Вынікі пошуку можна ўдакладніць мноствам шляхаў, напрыклад, выдаліць вынікі, у якіх сустракаецца «слова»: запыт -слова.

Пошукавая сістэма[правіць | правіць зыходнік]

PageRank[правіць | правіць зыходнік]

Падчас адлюстравання рэзультатаў выкарыстоўваецца спецыяльны запатэнтаваны алгарытм PageRank. PageRank вылічвае рэкурсіўны «кошт» старонак, зыходзячы з сумы ўжо вылічаных «коштаў» старонак, якія спасылаюцца на дадзеную. Мяркуюць, што PageRank лічыцца з гэтак званымі крытэрыямі значнасці для чалавека. Мноства пошукавых сістэм да Google выводзіла вынікі запыту паводле колькасці напатканых ключавых слоў у пэўным выніку, ці паводле рэлевантнасці. Акрамя PageRank, Google мае яшчэ ~200 крытэрыяў, якія ўдасканальваюць спісы з вынікамі[5].

Пошукавыя вынікі[правіць | правіць зыходнік]

Мэтай Google з’яўляецца не толькі праіндэксаваць і закэшаваць старонкі, але і зрабіць «здымкі» іншых тыпаў файлаў: Portable Document Format, дакументаў Word, табліц Excel, Flash SWF, простых тэкстаў і гэтак далей[6]. Акрамя тэкставых файлаў і SWF-кліпаў, закэшаваныя дакументы канвертуюцца ў (X)HTML, каб усе гэтыя дакументы кожны мог пабачыць без адмысловых прылад.

Страты энергіі[правіць | правіць зыходнік]

Google завярае, што адзін пошукавы запыт дае страту прыкладна 1 кДж што эквівалентна 0,0003 кВт·г[7].

Google і Беларусь[правіць | правіць зыходнік]

З 2008 года пошукавая сістэма мае беларускі інтэрфейс.

11 лютага 2010 года на пошукавым сэрвісе было змешчаны лога з малюнка Напалеона Орды «Палац Чацвярцінскіх у Горадні»[8].

Зноскі

  1. ↑ http://reports.internic.net/cgi/whois?whois_nic=google.com&type=domain
  2. ↑ Пошукавы рэйтынг па дадзеных Alexa Архівавана 5 сакавіка 2016. па стане на 20.12.2009 (англ.)
  3. ↑ Па дадзеных кампаніі Net Applications у лістападзе 2009 года доля рынку Google складала 84,91 %, Yahoo — 6,22 %, Baidu — 3,28 %, Bing — 3,26 %, Ask — 0,58 %, AOL — 0,49 %
  4. ↑ WHOIS: google.com (англ.)
  5. ↑ Corporate Information: Technology Overview Google (англ.)
  6. ↑ Google Frequently Asked Questions — File Types Архівавана 13 лютага 2008. Google (англ.)
  7. ↑ Powering a Google search // Official Google Blog (англ.)
  8. ↑ "«Google» павіншаваў беларусаў з угодкамі Напалеона Орды". Еўрапейскае радыё для Беларусі. 11 лютага 2010. Праверана 2 верасьня 2015. {{cite news}}: Праверце значэнне даты ў: |accessdate= (даведка)(недаступная спасылка)

Спасылкі[правіць | правіць зыходнік]

commons: Google search на Вікісховішчы
Узята з "https://be.wikipedia.org/w/index.php?title=Google_search&oldid=4604290"