LITWA: hłos monarchisty
| LITWA: hłos monarchisty | |
|---|---|
| Арыгінальная назва |
Litwa |
| Тып | нерэгулярная |
| Краіна |
 Беларусь |
| Рэдактар | Аляксандр Ян Стральцоў-Карвацкі |
| Заснавана | 28 лютага 1995 года |
| Палітычная прыналежнасць | Вялікае Княства Літоўскае, Рэч Паспалітая, кансерватызм, традыцыяналізм, манархізм, антыглабалізм |
| Мова | беларуская з уласнымі асаблівасцямі |
«LITWA: hłos monarchisty» (бел.: Літва: голас манархіста) — беларуская газета, друкарскі орган Манархічнай лігі Вялікага Княства Літоўскага. Выдаецца нерэгулярна, кірыліцай і лацінкай (з № 21 за травень 2007 года, версіі не супадаюць аб’ёмам і зместам). Выданне прапагандуе ідэі Вялікай Літвы, аднаўлення Вялікага Княства Літоўскага і Рэчы Паспалітай.
Гісторыя[правіць | правіць зыходнік]
Лічыцца спадкаемніцай газеты «Litwa», якая выходзіла ў 1908—1911 гадах па-польску. Адноўленая (заснаваная) 28 лютага 1995 года. Да 1998 года ў склад рэдакцыі ўваходзілі Уладзімір Міхневіч, Аляксандр Ян Стральцоў-Карвацкі і Уладзімір Пятровіч. З 1998 года рэдактар газеты — Аляксандр Ян Стральцоў-Карвацкі.
Тэмы[правіць | правіць зыходнік]
Газета публікавала матэрыялы гістарычнага, сацыяльна-палітычнага і рэлігійнага (традыцыяналісцка-каталіцкага) зместу. Агалошвае ідэі аднаўлення Вялікага Княства Літоўскага, асвятляе праблемы адносін народаў ВКЛ, лёс манархій свету.
Лагатып[правіць | правіць зыходнік]
Сімвал газеты — герб з Калюмнамі Гедыміна, над якім размешчаная выява Маці Божай Вострабрамскай. Ад яе ў розныя бакі скачуць вершнікі Пагоні. Над Маці Божай — надпіс лац.: «Mater Lithvaniane, ora pro nobis!»: (бел.: «Маці Літвы, маліся за нас!»).