Мікалай Адольфавіч Буш

Мікалай Адольфавіч Буш
Дата нараджэння	29 кастрычніка (10 лістапада) 1869
Месца нараджэння	Слабадской, Слабадскі павет[d], Вяцкая губерня, Расійская імперыя
Дата смерці	7 жніўня 1941(1941-08-07) (71 год)
Месца смерці	Белазерск, Белазерскі раён, Валагодская вобласць, РСФСР, СССР
Грамадзянства	Расійская імперыя  СССР
Род дзейнасці	батанік
Навуковая сфера	батаніка
Месца працы	Тартускі ўніверсітэт Імператарскі Дэрпцкі ўніверсітэт Батанічны сад БІН РАН Санкт-Пецярбургскі дзяржаўны аграрны ўніверсітэт Санкт-Пецярбургскі дзяржаўны ўніверсітэт Санкт-Пецярбургскі навукова-даследчы псіханеўралагічны інстытут[d] Батанічны інстытут імя У. Л. Камарава РАН
Навуковая ступень	доктар навук
Альма-матар	Імператарскі Казанскі ўніверсітэт[d] Санкт-Пецярбургскі дзяржаўны лесатэхнічны ўніверсітэт
Член у	Акадэмія навук СССР
Узнагароды	medal Nikolai Mikhailovich Przewalski[d]
Творы ў Вікікрыніцах
Медыяфайлы на Вікісховішчы

Сістэматык жывой прыроды
Аўтар найменняў шэрага батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «N.Busch». Спіс такіх таксонаў на сайце IPNI Персанальная старонка на сайце IPNI Старонка на Віківідах Выявы на Вікісховішчы

Мікалай Адольфавіч Буш (руск.: Николай Адольфович Буш; 10 лістапада 1869 — 7 жніўня 1941) — батанік, член-карэспандэнт Акадэміі навук СССР (1920).

Біяграфія

Нарадзіўся ў горадзе Слабадской Вяцкай губерні (зараз раённы цэнтр у Кіраўскай вобласці Расіі). Скончыў Вяцкую мужчынскую гімназію, у 1891 годзе — Казанскі ўніверсітэт, у 1895 годзе — Лясны інстытут у Санкт-Пецярбургу. З 1895 года выкладаў у Юр’еўскім універсітэце (з 1900 года — прыват-дацэнт). З 1902 года на пасадзе малодшага кансерватара Санкт-Пецярбургскага Імператарскага батанічнага сада. У 1903 годзе абараніў дысертацыю на званне магістра, у 1911 годзе — доктарскую. у 1908—1911 гг. выкладаў батаніку на Вышэйшых жаночых сельскагаспадарчых курсах (створаны ў 1904 годзе па ініцыятыве І. А. Сцебута, сучасны Санкт-Пецярбургскі дзяржаўны аграрны ўніверсітэт). З 1911 года прафесар Вышэйшых жаночых (Бястужаўскіх) курсаў. З 1909 года ў Пецярбургскім універсітэце: прыват-дацэнт, прафесар, з 1918 г. — загадчык кафедрай батанічнай геаграфіі. У 1910—1917 гг. загадчык кафедрай батанікі Пецярбургскага псіханеўралагічнага інстытута. З 1931 года ў Батанічным інстытуце Акадэміі навук СССР, загадчык каўказскім гербарыем.

Памёр М. А. Буш у горадзе Белазерск Валагодскай вобласці.

Навуковая дзейнасць

М. А. Бушу належаць навуковыя працы па батанічнай геаграфіі Каўказа, Сібіры і Далёкага Усходу. Займаўся складаннем батаніка-геаграфічных картаў раёнаў Каўказа. Прапанаваў схему падзелу Сібіры на батаніка-геаграфічныя вобласці. Аўтар падручнікаў для вышэйшых навучальных устаноў «Морфология и систематика растений» (2-е выд. 1924) і «Курс систематики высших растений» (1940), манаграфіі, навукова-папулярных кніг, артыкулаў і інш.

У 1916—1934 гг. вучоны сакратар Рускага батанічнага таварыства.

Узнагароды

За праведзеныя экспедыцыі на Каўказ Рускім геаграфічным таварыствам узнагароджаны медалём імя М. М. Пржавальскага.

Літаратура

• Буш Мікалай Адольфавіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 367. — 10 000 экз. — ISBN 985-11-0035-8. — ISBN 985-11-0068-4 (т. 3).

Спасылкі

• Буш Николай Адольфович (руск.) // Сайт Расійскай акадэміі навук
• Буш Николай Адольфович // Биографика СПбГУ. Санкт-Петербургский государственный университет (руск.)
• Буш Николай Адольфович // «Мегаэнциклопедия Кирилла и Мефодия» megabook.ru (руск.)