Sternbergia
Sternbergia | ||||||||||||||||
![]() Sternbergia clusiana, квітнеючая расліна ў пустыні Негеў | ||||||||||||||||
Навуковая класіфікацыя | ||||||||||||||||
---|---|---|---|---|---|---|---|---|---|---|---|---|---|---|---|---|
прамежныя рангі
| ||||||||||||||||
Міжнародная навуковая назва | ||||||||||||||||
|
Sternbergia — род шматгадовых травяністых цыбульных раслін сямейства Амарылісавыя (Amaryllidaceae). Уключае 8 відаў, распаўсюджаных у Міжземнамор’і, на Балканах, у Закаўказзі, Іране і на поўдні Сярэдняй Азіі.
Род названы ў гонар батаніка К. Штэрнберга .
Батанічнае апісанне
[правіць | правіць зыходнік]Шматгадовыя цыбульныя травяністыя расліны. Лісце рэмнепадобнае. Цвітуць восенню ці вясной у залежнасці ад віду. Кветкі адзінкавыя, жоўтыя, у Sternbergia candida белыя. Тычынак шэсць, тры з іх карацей астатніх, пылавікі прымацаваныя аснаваннем. Завязь трохгнёздавая, слупок трохграневы ніткападобны, лычык галоўкавы. Плод — мясістая нераскрывальная каробачка, насенне шарападобнае.
Віды
[правіць | правіць зыходнік]- Sternbergia candida B.Mathew & T.Baytop — апісаны ў 1970-х гадах з ваколіц Фетхіе на паўднёвым захадзе Турцыі. У прыродзе рэдкі. У культуры ў кветкавых калекцыях, размножваецца насеннем і вегетатыўна. Цвіце вясной. Адзіны белакветкавы від роду.
- Sternbergia clusiana Ker Gawl. ex Spreng. — арэал ахоплівае краіны Блізкага Усходу. У культуры ў кветкавых калекцыях. Цвіце восенню.
- Sternbergia colchiciflora Waldst. et Kit. — від з шырокім перарыўным арэалам ад Паўднёвай Еўропы, Балкан і Венгрыі да Ірана, у тым ліку ў Крыме і на Паўночным Каўказе. У прыродзе рэдкі, ахоўваецца. У культуры ў кветкавых калекцыях, размножваецца насеннем. Цвіце восенню.
- Sternbergia lutea (L.) Ker Gawl. ex Spreng. — від з шырокім арэалам ад Балеарскіх астравоў да Таджыкістана. Папулярная дэкаратыўная кветкавая расліна, размножваецца вегетатыўна і насеннем. Цвіце восенню.
- Sternbergia minoica Ravenna — апісаны ў 2001 годзе. Эндэмік Крыта.
- Sternbergia pulchella Boiss. et Blanche — від з Лівана і Сірыі.
- Sternbergia schubertii Schenk — апісаны ў XIX стагоддзі ў Турцыі. Магчыма, расліна ідэнтычная Sternbergia lutea sicula.
- Sternbergia vernalis (Mill.) Gorer et J.H.Harvey — арэал ад Паўднёвай Турцыі да Закаўказзя і Сярэдняй Азіі. У культуры ў кветкавых калекцыях. Цвіце вясной. Сінонім, які выкарыстоўвалі ў рускамоўнай літаратуры савецкага перыяду, — Sternbergia fischeriana.
Вырошчванне
[правіць | правіць зыходнік]Sternbergia lutea здаўна вырошчваецца ў кветніках Паўднёвай Еўропы і Англіі, часта натуралізуецца. Іншыя віды вырошчваюцца ў калекцыях у якасці вяснова- або асеннеквітнеючых мнагалетнікаў адкрытага грунту (у раёнах з мяккімі зімамі) або ў гаршковай культуры.
Галерэя
[правіць | правіць зыходнік]-
Sternbergia candida ў культуры
-
Sternbergia clusiana, плод і лісце
-
Sternbergia lutea ў культуры
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
Літаратура
[правіць | правіць зыходнік]- Артюшенко З.Т. Декоративные травянистые растения для открытого грунта СССР. В 2 т. / Н. А. Аврорин. — Л.: Наука, Лен. отд., 1977. — Т. 1. — С. 111-113.
- Флора СССР. В 30-ти томах / Главный редактор и редактор тома акад. В. Л. Комаров. — М.—Л.: Издательство Академии Наук СССР, 1935. — Т. IV. — 760 + XXX с. — 5 175 экз.
Спасылкі
[правіць | правіць зыходнік]- flower.onego.ru: Штэрнбергія
- Штернбергия: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.) (Праверана 30 лістапада 2014)
- Pacific Bulb Society: Sternbergia