Юрый Аляксандравіч Якімовіч

Юрый Аляксандравіч Якімовіч
Дата нараджэння	13 кастрычніка 1946(1946-10-13)
Месца нараджэння	Мінск, БССР, СССР
Дата смерці	7 лютага 1994(1994-02-07) (47 гадоў)
Месца смерці	Віцебск, Віцебская вобласць, Беларусь
Грамадзянства	Беларусь
Альма-матар	БПІ (1969)
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі Беларуская Энцыклапедыя імя Петруся Броўкі Віцебскі дзяржаўны ўніверсітэт імя П. М. Машэрава
Навуковая ступень	кандыдат архітэктуры (1979)
Член у	Саюз архітэктараў СССР Беларускі саюз архітэктараў

Юрый Аляксандравіч Якімовіч (нар. 13 кастрычніка 1946, Мінск — 7 лютага 1994) — беларускі гісторык архітэктуры, педагог. Кандыдат архітэктуры (1979).

Біяграфія

Скончыў у 1969 годзе Беларускі політэхнічны інстытут. Працаваў з 1969 года ў Інстытуце мастацтвазнаўства, этнаграфіі і фальклору АН Беларусі, з 1980 года ў выдавецтве «Беларуская Савецкая Энцыклапедыя» імя П. Броўкі, загадчык рэдакцыі. 3 1986 года ў Віцебскім педагагічным інстытуце (дацэнт з 1988).

Член Саюза архітэктараў СССР з 1971 года. Пражывае ў Віцебску.

Навуковая дзейнасць

Даследуе гісторыю архітэктуры (пераважна дакастрычніцкі перыяд), гісторыю беларускага драўлянага дойлідства ХVI—XIX стст., творчасць мастакоў 19 ст. (Н. Орды, Ю. Пешкі, Дз. Струкава і інш.). Вылучыў школы Палескага драўлянага дойлідства, паказаў асаблівасці іх развіцця ў XVII—XIX стст. Аўтар артыкулаў у часопісах, энцыклапедычных даведніках, у «Зборы помнікаў гісторыі і культуры Беларусі», «Гісторыі мастацтва народаў СССР» (т. 9, М., 1982), «Гісторыі беларускага мастацтва» (т. 1, Мн., 1987) і інш. Зрабіў асобныя рэканструкцыі сядзібна-палацавых і замкавых пабудоў XVI—XVII стст.

Творы

• Драўлянае дойлідства Беларускага Палесся XVII—XIX стст. Мн., 1978;
• Беларуская архітэктура ў малюнках Напалеона Орды // Мастацтва Беларусі. 1983. № 7;
• Магілёўскі архітэктурны дэкор XIX — пачатку XX ст. // Мастацтва Беларусі. 1986. № 6;
• 3 віленскай калекцыі // Мастацтва Беларусі. 1989. № 11;
• Каштоўны дакумент па гісторыі беларускай графікі і архітэктуры XVIII ст. (разам з Р. В. Баравым) // Помнікі культуры: Новыя адкрыцці. Мн., 1985;
• Деревянное зодчество Белоруссии // Дерево в архитектуре и скульптуре славян: Пер. с фр. М., 1987;
• Зодчество Белоруссии XVI — середины XVII в.: Справ. пособие. Мн., 1991.

Літаратура

• Якімовіч Юрый Аляксандравіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Якимович Юрий Александрович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)