Міхаіл Паўлавіч Томскі

Міхаіл Паўлавіч Томскі
руск.: Михаил Павлович Томский
2-і Старшыня УЦСПС 1918 — 1929
Папярэднік	Рыгор Яўсеевіч Зіноўеў
Пераемнік	Аляксандр Іванавіч Дагадаў
Нараджэнне	19 (31) кастрычніка 1880 Колпіна, Царскасельскі павет, Санкт-Пецярбургская губерня, Расійская імперыя
Смерць	22 жніўня 1936(1936-08-22) (55 гадоў) Каралёў, гарадская акруга Мыцішчы[d], Маскоўская вобласць, РСФСР, СССР
Імя пры нараджэнні	венг.: Mihail Pavlovics Jefremov
Партыя	КПСС
Член у	Таварыства старых бальшавікоў
Прафесія	палітык, прафсаюзны дзеяч
Дзейнасць	палітык, прафсаюзны дзеяч
Навуковая дзейнасць
Навуковая сфера	прафесійны саюз і рабочы рух
Медыяфайлы на Вікісховішчы

Міхаіл Паўлавіч Томскі (настаяшчае прозвішча - Яфрэмаў; 31 кастрычніка 1880, Колпіна — 22 жніўня 1936, Каралёў) — савецкі палітык і прафсаюзны дзеяч.

Нарадзіўся ў мяшчанскай сям'і. У кастрычніку 1904 года ўступіў у РСДРП. Удзельнік рэвалюцыі 1905-1907 года, падчас якой быў арыштаваны царскімі ўладамі і адпраўлены на 4 месяцы ў ссылку ў Томск, ад назвы гэтага горада Яфрэмаў ў наступстве узяў сабе псеўданім Томскі.

Пасля вяртання з ссылкі заняўся прафсаюзнай і партыйнай працай. Зноў арыштаваны ў 1911 годзе і асуджаны на 5 гадоў катаржных работ, вясной 1916 накіраваны на пасяленне ў Іркуцкую губерню. Пасля Кастрычніцкай рэвалюцыі Томскі стаў членам Палітбюро ЦК РКП(б), у 1919 годзе ўзначаліў Усесаюзны цэнтральны савет прафесійных саюзаў.

У 1925 годзе сумесна са Сталіным, Бухарыным, Рыкаў выступаў супраць «Новай апазіцыі» Зіноўева і Каменева. У студзені 1929 Томскі разам з Бухарыным і Рыкавым выступіў супраць згортвання НЭП і фарсіравання індустрыялізацыі і калектывізацыі. Сталін абвясціў гэтую пазіцыю «правым ухілам» і Томскі быў зняты з пасады старшыні УЦСПС. У 1930 быў выведзены са складу Палітбюро. У жніўні 1936 года ў ходзе судовага працэсу «антысавецкага аб'яднанага трацкісцкага цэнтра», калі Зіноўеў і Каменеў сталі даваць паказанні аб датычнасьці Томскага, Рыкава, Бухарына да контррэвалюцыйнай дзейнасці, пракуратура СССР пачала расследаванне ў дачыненні да гэтых асобаў. Даведаўшыся пра гэта, Томскі застрэліўся ў сябе на дачы ў Болшева (цяпер - Каралёў).

Спасылкі

• Мартыралог - Томскі (Наст. прозвішча - Яфрэмаў) Міхаіл Паўлавіч - Мемарыяльны Музей