Гурый Іларыёнавіч Барышаў

Гурый Іларыёнавіч Барышаў
Дата нараджэння	30 красавіка 1928(1928-04-30)
Месца нараджэння	Ташкент, Узбекская ССР, СССР
Дата смерці	14 чэрвеня 2001(2001-06-14) (73 гады)
Грамадзянства	Беларусь
Род дзейнасці	тэатразнавец, мастацтвазнавец
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі Беларускі дзяржаўны тэатральна-мастацкі інстытут Беларуская Энцыклапедыя імя Петруся Броўкі Беларускі дзяржаўны ўніверсітэт культуры і мастацтваў
Навуковая ступень	доктар мастацтвазнаўства (1990)
Навуковае званне	прафесар акадэмік Беларускай акадэміі адукацыі[d]
Альма-матар	Ташкенцкі дзяржаўны інстытут тэатральнага мастацтва імя А. М. Астроўскага[d] (1950)
Узнагароды	Прэмія імя К. Крапівы (1994)

Гурый Іларыёнавіч Ба́рышаў (30 красавіка 1928, Ташкент — 14 чэрвеня 2001) — беларускі тэатразнавец і мастацтвазнавец. Доктар мастацтвазнаўства, прафесар (1990). Акадэмік Беларускай акадэміі адукацыі (1999).

Біяграфія

Скончыў у 1950 годзе Ташкенцкі тэатральны інстытут. Працаваў у 1955—1967 і 1973—1978 гадах у Інстытуце мастацтвазнаўства, этнаграфіі і фальклору АН Беларусі, у 1961—1967 гадах у Беларускім тэатральна-мастацкім інстытуце, загадчык кафедры гісторыі мастацтва, мовы і літаратуры, у 1967—1973 гадах у Галоўнай рэдакцыі БелСЭ. 3 1979 года на кафедры беларускай і сусветнай мастацкай культуры факультэта культуралогіі і сацыякультурнай дзейнасці ў Беларускім універсітэце культуры, у 1983—1994 — загадчык кафедры.

Навуковая дзейнасць

Даследуе гісторыю і тэорыю беларускага прафесійнага і народнага тэатра, тэатр Беларусі XVIII ст., сцэнаграфію. Аўтар раздзелаў у кнізе «Гісторыя беларускага тэатра» (т. 1, 1983), «Музычны тэатр Беларусі: Дакастрычніцкі перыяд» (1990), «Беларускі народны тэатр батлейка» (1962, з А. Саннікавым) і інш.

Творы

• Беларускі народны тэатр Батлейка / Г. І. Барышаў, А. К. Саннікаў; М-ва вышэйш., сярэд. спец. і праф. адукацыі БССР, Ін-т мастацтвазнаўства, этнаграфіі і фальклору АН БССР, Беларус. дзярж. тэатр.-маст. ін-т. — Мінск: Выд-ва М-ва вышэйш., сярэд. спец. і праф. адукацыі БССР, 1962. — 179 с.
• Театральная культура Белоруссии XVIII века. Мн., 1992.

Літаратура

• А. А. Саламаха. Барышаў Гурый Іларыёнавіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).