Аляксандр Акімавіч Пятраеў

Аляксандр Акімавіч Пятраеў
Дата нараджэння	21 лістапада 1925(1925-11-21)
Месца нараджэння	Галакціёнава[d], Краснатуранскі раён, Мінусінскі павет[d], Енісейская губерня[d], РСФСР, СССР
Дата смерці	30 чэрвеня 1944(1944-06-30) (18 гадоў)
Месца смерці	Барысаў, Мінская вобласць, БССР, СССР
Месца пахавання	Барысаў
Грамадзянства	СССР
Прыналежнасць	СССР
Часць	3-я гвардзейская танкавая брыгада
Бітвы/войны	Вялікая Айчынная вайна
Узнагароды і званні

Аляксандр Акімавіч Пятра́еў (руск.: Александр Акимович Пертяев; 21 лістапада 1925 — 30 чэрвеня 1944) — удзельнік Вялікай Айчыннай вайны, Герой Савецкага Саюза (1945).

Біяграфія

Нарадзіўся ў вёсцы Галакціёнава (у сучасным Краснатуранскім раёне Краснаярскага края Расіі). Жыў у сяле Курагіна, вучыўся ў сямігадовай школе, працаваў у калгасе. У 1944 годзе быў прызваны ў Чырвоную Армію. Скончыў школу танкістаў і атрымаў спецыяльнасць механіка-вадзіцеля. На фронце з 1944 года.

У ноч на 30 чэрвеня 1944 года экіпаж танка Т-34 у складзе камандзіра танка гвардыі лейтэнанта Паўла Рака, механіка-вадзіцеля Аляксандра Пятраева і стралка-радыста танка Аляксея Данілава прарваўся праз раку Бярэзіну ў горад Барысаў (Мінская вобласць, Беларусь) па замініраваным мосце. На працягу 16 гадзін экіпаж змагаўся на вуліцах горада. Было знішчана шмат жывой сілы і тэхнікі ворага, што спрыяла вызваленню горада савецкімі войскамі. Фашысты кінулі супраць экіпажа некалькі танкаў і самаходныя артылерыйскія ўстаноўкі. Экіпаж танка загінуў у няроўным баі.

Пахаваны ў брацкай магіле ў горадзе Барысаў.

Ушанаванне памяці

Помнік экіпажу танка ў Барысаве

У горадзе Барысаў пастаўлены помнік экіпажу танка. Імем А. А. Пятраева названы адна з вуліц Барысава, пасёлка Курагіна. У пасёлку Курагіна, у парку імя 40-годдзя Перамогі пастаўлены помнік Герою.

Літаратура

• Пятраеў Аляксандр Акімавіч // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 165. — 10 000 экз. — ISBN 985-11-0035-8. — ISBN 985-11-0198-2 (т. 12).

Спасылкі

• Пертяев Александр Акимович на сайце «Героі краіны»