Аляксандра Мікалаеўна Борціч

Аляксандра Борціч руск.: Алекса́ндра Бо́ртич
Імя пры нараджэнні	Аляксандра Мікалаеўна Борціч
Дата нараджэння	24 верасня 1994(1994-09-24) (30 гадоў)
Месца нараджэння	Светлагорск, Светлагорскі раён, Гомельская вобласць, Беларусь
Грамадзянства	Беларусь → Расія
Прафесія	актрыса
Кар’ера	2014 →
Кірунак	мастацкае кіно
IMDb	ID 6786155
Александра Бортич (руск.)

Алякса́ндра Мікала́еўна Бо́рціч (руск.: Алекса́ндра Никола́евна Бо́ртич, нар. 24 верасня 1994, Светлагорск, Гомельская вобласць) — актрыса, выканаўца роляў у мастацкіх фільмах. Жыве і працуе ў Расіі. Вядома па фільмах «Як мяне завуць» (2014), «Духлес 2» (2015), «Вікінг» (2016).

Біяграфія

Да 3-гадовага ўзросту жыла ў Светлагорску, затым, пасля разводу бацькоў — у Гродне ў бабулі (да паступлення ў школу). Затым маці забрала яе да сябе ў Маскву. Калі Аляксандры было 10 гадоў, маці другі раз выйшла замуж.

Скончыла ў Маскве сярэднюю школу і музычную школу (саксафон). У 9—10 класах займалася ў тэатральнай студыі. У школьныя гады захаплялася цяжкім рокам. Пасля заканчэння школы паступала ў тэатральны інстытут, але не прайшла па конкурсе; працавала афіцыянткай.

У 2014 годзе у выніку конкурснага адбору маладых выканаўцаў атрымала галоўную ролю ў псіхалагічнай драме «Як мяне завуць» (рэж. Н. Сайфулаева). Фільм атрымаў галоўны прыз на XI міжнародным кінафестывалі «Балтыйскія дэбюты» (Светлагорск, Калінінградская вобл.) і спецыяльны прыз «За лёгкае дыханне і мастацкую цэльнасць» на XXV-ым адкрытым расійскім кінафестывалі «Кінатаўр» (Сочы, Краснадарскі край). Кінакарціна была паказана на XX-ым міжнародным фестывалі фільмаў пра правы чалавека «Сталкер» у Маскве і на міжнародным кінафестывалі ў Сан-Сабасцьяне (Іспанія).

Фільмаграфія

Год		Беларуская назва	Арыгінальная назва	Роля
2014	ф	Як мяне завуць	Как меня зовут	Аляксандра
2015	с	Стрэл	Выстрел	Ніна Крутава
2015	ф	Духлес 2	Духless 2	Алёна
2015	ф	Няўлоўныя	Неуловимые	Кіра
2015	ф	Няўлоўныя: апошні герой	Неуловимые: последний герой	Кіра
2015	с	Людміла Гурчанка	Людмила Гурченко	Марыя
2015	ф	Пра любоў	Про любовь	Аляксандра
2016	с	Адлюстраванне вясёлкі	Отражение радуги	Аляксандра
2016	с	Паліцэйскі з Рублёўкі	Полицейский с Рублёвки	Ніка
2016	ф	Вікінг	Викинг	Рагнеда Рагвалодаўна, князёўна полацкая, жонка вялікага князя кіеўскага Уладзіміра Святаславіча
2017	ф	Праваднік	Проводник	Каця
2017	с	Чужая кроў	Чужая кровь	Аня
2017	с	Філфак	Филфак	Алена Асокіна
2017	ф	Палі!	Жги!	дачка начальніцы
2017	с	Паліцэйскі з Рублёўкі-2	Полицейский с Рублёвки-2	Ніка
2017	с	Любімцы	Любимцы	Аліса
2018	ф	Я худнею	Я худею	Ганна
2018	ф	Каханкі	Любовницы	Аліса
2018	с	Паліцэйскі з Рублёўкі-3	Полицейский с Рублёвки-3	Ніка
2019	ф	Халоп	Холоп	Ліза

Прызы

• Прыз за лепшую жаночую ролю (разам з Марынай Васільевай) на XXII фестывалі расійскага кіно (фр.: Festival du Cinema Russe) в г. Анфлёр (дэпартамент Кальвадос, рэгіён Нармандыя, Францыя), 2014 — за ролю ў фільме «Як мяне завуць».
• Прыз імя Аляксандра Абдулава «За лепшую жаночую ролю ў расійскім дэбютным фільме» (разам з Марынай Васільевай) на XIII міжнародным фестывалі кінематаграфічных дэбютаў «Дух агня» ў г. Ханты-Мансійску, 2015 — за ролю ў фільме «Як мяне завуць».
• Прыз «Лепшая жаночая роля другога плану» XXII-га Міжнароднага фестывалю акцёраў кіно «Сузор'е», які праводзіць Гільдыя акцёраў кіно Расіі, 2015 — за ролю ў фільме «Духлес 2».

Спасылкі

• Вельмакина, А. Девушка с характером: Александра Бортич о роли в «Как меня зовут» и «тупых» героинях // Buro24/7. 2014. 9 декабря. (руск.)
• Познер, В. «Пошла на педикюр, а там по телевизору — «Леон». Бортич — Познеру // interviewrussia.ru. — 2016. — 28 марта. (руск.)