Ганна Святаслаўна

Ганна Святаслаўна
Ганна Святаслаўна. Т. Нарбут, каля 1839
Дата нараджэння	1350-я
Месца нараджэння	Смаленск, Смаленскае княства
Дата смерці	31 ліпеня 1418 ці 1 жніўня 1418
Месца смерці	Троцкі замак, Трокі, Троцкі павет, Троцкае ваяводства, Вялікае Княства Літоўскае
Месца пахавання	Кафедральны сабор Святога Станіслава
Грамадзянства	Вялікае Княства Літоўскае
Бацька	Святаслаў Іванавіч
Муж	Вітаўт
Дзеці	Соф’я Вітаўтаўна
Медыяфайлы на Вікісховішчы

Ганна Святаслаўна (? — 31 жніўня 1418) — вялікая княгіня літоўская, жонка Вітаўта.

Біяграфія

Згодна з найбольш пашыраным меркаванне была дачкой вялікага князя смаленскага Святаслава Іванавіча (1358—1386).

Паводле крыжацкага паведамлення, шлюб Вітаўта і Ганны адбыўся яшчэ пры жыцці вялікага князя літоўскага Альгерда (памёр у 1377). Відаць, вяселле адбылося ў 1360-я, калі Вітаўт быў удзельным князем берасцейскім.

У 1382 спрыяла ўцёкам мужа з вязніцы, куды яго пасадзіў Ягайла. У 1392 абяцала пры набыцці Вітаўтам пасады вялікага князя літоўскага, што яе муж выканае ўмовы прысягі, прынесенай ім каралю польскаму Ягайле і Кароне Польскай.

Мела дачку Соф’ю Вітаўтаўну, выдадзеную замуж за вялікага князя маскоўскага Васіля Дзмітрыевіча, а таксама іншых дзяцей, дакладных звестак пра якіх не захавалася.

Пахавалі вялікую княгіню ў Віленскім кафедральным касцёле.

Літаратура

• Ганна Святаслаўна // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 155. — 696 с. — ISBN 978-985-11-0487-7 (т. 3), ISBN 985-11-0315-2.