Касцёл Беззаганнага Зачацця Найсвяцейшай Дзевы Марыі (Гродна)
| Каталіцкі храм | |
| Касцёл Беззаганнага Зачацця Найсвяцейшай Дзевы Марыі | |
|---|---|
| 53°37′30″ пн. ш. 23°51′13″ у. д.HGЯO | |
| Краіна |
 Беларусь |
| Горад | Гродна |
| Канфесія | Каталіцызм |
| Епархія |
Гродзенская дыяцэзія Дэканат Гродна-Захад |
| Першае згадванне | 1995 |
| Будаўніцтва | 1995—2000 гады |
 |
|
Касцёл Беззаганнага Зачацця Найсвяцейшай Дзевы Марыі — каталіцкі храм у горадзе Гродна.
Гісторыя
[правіць | правіць зыходнік]У 1994 годзе ў гарадскім мікрараёне Паўднёвы была заснавана новая парафія. 26 ліпеня 1995 годзе гродзенскі біскуп Аляксандр Кашкевіч асвяціў пляц пад будову і крыж (які і сёння стаіць перад касцёлам). Тагачасным пробашчам быў кс. Ян Раманчук. У 1996 годзе быў скончаны ніжні касцёл, і 31 кастрычніка ў ім адправілі першую святую Імшу, а 8 снежня ніжні касцёл асвяціў гродзенскі біскуп Аляксандр Кашкевіч. У 1997 годзе арцыбіскуп Тадэвуш Кандрусевіч асвяціў і заклаў у сцяну будучага касцёла памятную капсулу. Будаўніцтва было скончана ў 1999 годзе, і 11 мая 2000 года касцёл быў кансэкраваны арцыбіскупам Тадэвушам Кандрусевічам.
Архітэктура
[правіць | правіць зыходнік]Касцёл з жоўтай вонкавай цэглы ўяўляе сабою 1-вежавы базылікападобны храм у стылі неаканструктывізму. Высокая вежа-званіца, утвораная 2-ма злучанымі пілонамі, пазначае галоўны ўваход. Да алтарнай часткі касцёла дабудаваны 2-павярховы будынак плябаніі і парафіяльнага цэнтра.
Рамбавідны ў плане інтэр’ер падзелены трыма парамі калонаў на 3 нефы. Галоўны неф перакрыты бетоннымі рабрыстымі скляпеннямі, бакавыя — плоскімі скатнымі. У галоўным алтары ўсталявана тытульная велічная паліхромная фігура Маці Божай Беззаганнай (Беззаганнага Зачацця), якая некалі ўпрыгожвала знішчаную гродзенскую фару. Левы бакавы алтар прысвечаны Найсвяцейшай Панне Марыі Тракельскай, правы — Божай Міласэрнасці. У 1999 г. у вокнах касцёла з’явіліся вітражы: злева — біскупскія гербы біскупа А. Кашкевіча і арцыбіскупа Т. Кандрусевіча, справа — выявы Езуса Міласэрнага і Міхала Арханёла; над хорамі злева — выява св. Максімільяна Кольбэ, справа — св. Ганны, вышэй па цэнтры — Святога Духа.
У галоўны алтар умураваны рэліквіі св. Войцеха і св. Яна Саркандра[1].
