Любар Нідэрле

Любар Нідэрле
Lubor Niederle
Дата нараджэння	20 верасня 1865(1865-09-20)[…] ці 1894
Месца нараджэння	Клатаві[d], раён Клатаві[d], Чэхія[…]
Дата смерці	14 чэрвеня 1944(1944-06-14)[…]
Месца смерці	Прага, Пратэктарат Багеміі і Маравіі[…]
Месца пахавання	Ольшанскія могілкі
Грамадзянства	Чэхаславакія
Бацька	Jindřich Niederle[d]
Дзеці	Marcel Niederle[d]
Род дзейнасці	антраполаг, археолаг, даследчык дагістарычнай эпохі, педагог, preface author, этнограф, славіст
Навуковая сфера	археалогія, этнаграфія, славістыка
Месца працы	Карлаў універсітэт Інстытут археалогіі Чэшскай акадэміі навук[d] Славянскі інстытут[d]
Навуковая ступень	доктарская ступень[d]
Альма-матар	Карлаў універсітэт факультэт мастацтваў Карлавага ўніверсітэта ў Празе[d]
Вядомыя вучні	Раман Якімовіч
Член у	Сербская акадэмія навук і мастацтваў Пецярбургская акадэмія навук Акадэмія навук СССР Польскае навуковае таварыства ў Львове[d] Расійская акадэмія навук Польскае народазнаўчае таварыства[d]
Медыяфайлы на Вікісховішчы

Лю́бар Ні́дэрле (чэшск.: Lubor Niederle; 20 верасня 1865, г. Клатаві, Чэхія — 14 чэрвеня 1944) — чэшскі археолаг, этнограф і гісторык-славіст. Член Чэшскай акадэміі навук. Сын чэшскага філолага Індржыха Нідэрле.

Біяграфія

У 1887 годзе скончыў філасофскі факультэт Пражскага ўніверсітэта. У 1889 годзе быў слухачом лекцый па антрапалогіі і археалогіі ў Мюнхене, у 1889—1890 гадах працаваў у лабараторыях антрапалагічнай школы ў Парыжы, у 1893 годзе вывучаў археалагічныя калекцыі ў Варшаве, Кіеве, Цвяры. Працаваў прафесарам дагістарычнай археалогіі і этнаграфіі Пражскага ўніверсітэта (1898—1929). Заснавальнік і першы дырэктар Археалагічнага інстытута у Празе (1919—1924). Акрамя таго, з 1928 быў першым кіраўніком Славянскага інстытута ў Празе.

У 1907—1908 гадах займаў пасаду дэкана філасофскага факультэта ўніверсітэта. У 1927—1928 гадах — рэктар Карлава ўніверсітэта.

Навуковая дзейнасць

Займаўся першабытнай і антычнай, потым славянскай археалогіяй. У 1893 годзе выдаў кнігу «Чалавецтва ў дагістарычныя часы», дзе пададзена археалогія Еўропы ад палеаліту да сярэдневякоўя. У 1902—1934 апублікаваў шматтомную працу «Славянскія старажытнасці» (т. 1—З, 1902—1919; 2-я частка пад назвай «Культура старажытных славян», т. 1—З, 1911—1934). У 1931 выйшла праца Нідэрле «Кіраўніцтва па славянскай археалогіі», дзе падагульнены вынікі яго археалагічным даследаванняў.

Літаратура

• Нідэрле Любар // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• На Вікісховішчы ёсць медыяфайлы па тэме Любар Нідэрле
• Профіль Любара Нідэрле на афіцыйным сайце РАН