Мардоўская аўтаномная вобласць

Мардоўская аўтаномная вобласць
эрз.: Эрзя-Мокшонь область
Краіна	СССР
Статус	Аўтаномная вобласць
Уваходзіць у	РСФСР
Уключае	22 раёны, 18 раёнаў (01.10.1931)
Адміністрацыйны цэнтр	Саранск
Дата ўтварэння	10 студзеня 1930
Дата скасавання	20 снежня 1934
Афіцыйная мова	руская, мардоўскія мовы
Насельніцтва (1931)	1 389 600
Шчыльнасць	53,4 чал./км²
Нацыянальны склад	рускія — 66,6 %, мардва — 29,3 %
Плошча	26 463 км²
Пераемнасць ← Мардоўская акруга Мардоўская АССР →

Мардоўская аўтаномная вобласць (руск.: Мордовская автономная область) — адміністрацыйна-тэрытарыяльная адзінка РСФСР у складзе Сярэдняволжскага края, якая існавала з 10 студзеня 1930 года па 20 снежня 1934 года. Адміністрацыйны цэнтр — горад Саранск.

Гісторыя

Вобласць утворана 10 студзеня 1930 года ў складзе Сярэдняволжскага края ў выніку пераўтварэння з Мардоўскай акругі.

На 1 кастрычніка 1931 года ў вобласці мелася 18 раёнаў, 648 сельсаветаў, 4 гарады, у тым ліку 1 (Саранск — 20 221 чал.) вылучаны ў самастойную адміністрацыйна-гаспадарчую адзінку, 3 рабочыя пасёлкі, 1800 сельскіх населеных пунктаў. Гарадское насельніцтва на 1 студзеня 1931 года — 3,3 % (45 852 чал.). Іншыя гарады і рабочыя пасёлкі:

• р.п. Рузаеўка — 9704 чал.
• г. Ардатаў — 5854 чал.
• г. Краснаслабодск — 5462 чал.
• г. Цемнікаў — 3968 чал.
• р.п. Віндрэй — 3075 чал.
• р.п. Шырынгушы — 1536 чал.

20 снежня 1934 года Мардоўская аўтаномная вобласць была ператворана ў Мардоўскую Аўтаномную Савецкую Сацыялістычную Рэспубліку ў складзе Сярэдняволжскага края.

Адміністрацыйны падзел

Вобласць была падзелена на 22 раёны і 1 горад (Саранск), вылучаны ў самастойную адміністрацыйна-гаспадарчую адзінку:

Ардатаўскі, Ацяшаўскі, Ачадаўскі, Дубенскі, Ельнікаўскі, Зубава-Палянскі, Ігнатоўскі, Інсарскі, Ічалкаўскі Кавылкінскі,

Казлоўскі, Качкураўскі, Краснаслабодскі, Рамаданаўскі, Рузаеўскі, Рыбкінскі, Саранскі, Старашайгаўскі, Цемнікаўскі, Цяньгушаўскі,

Тарбееўскі, Чамзінскі.

Гл. таксама

• Рэспубліка Мардовія

Спасылкі

• Пра Рэспубліку МардовіюАрхівавана 11 лютага 2017.
• 80 гадоў з дня ўтварэння Мардоўскай акругі