Мікалай Апанасавіч Апіёк

Мікалай Апанасавіч Апіёк
Мікалай Апанасавіч Апіёк
	; Мікалай Апіёк. Фота Яўгена Колчава
Дата нараджэння	20 лістапада 1935 (88 гадоў)
Месца нараджэння	Макараўка, Мардашэвіцкі сельсавет, Дубровенскі раён, БССР, СССР;
Грамадзянства	БССР; Беларусь;
Жонка	Тамара Іванаўна Нікалаева
Род дзейнасці	мастак
Месца працы	Мастацкі фонд БССР; Гродзенскі абласны драматычны тэатр;
Жанр	пейзаж, партрэт, нацюрморт і тэматычная карціна[d]
Вучоба	Віцебскае мастацка-графічнае педагагічнае вучылішча[d] (1955); Мінскае мастацкае вучылішча (1957); Беларускі дзяржаўны тэатральна-мастацкі інстытут (1964);
Мастацкі кірунак	рэалізм
Вядомыя працы	«Год 1929», «Май 1945 года», «Маё хрышчэнне», «…І апусціўся анёл», «Сын цывілізацыі», «Слуцкія ткачыхі»
Уплыў	Фёдар Іванавіч Дарашэвіч[d], Аляксандр Пятровіч Мазалёў, Яўген Рыгоравіч Чамадураў і Фёдар Іванавіч Дарашэвіч
Член у	Беларускі саюз мастакоў;
Прэміі	Прэмія «За духоўнае адраджэнне» (2007)
Узнагароды	; ганаровы грамадзянін Дубровенскага раёна[d] (2018)
	Медыяфайлы на Вікісховішчы

Мікалай Апанасавіч Апіёк (нар. 20 лістапада 1935(1935-11-20), Макараўка, Дубровенскі раён) — беларускі мастак.

Біяграфія

Скончыў Пірагоўскую сямігадовую школу. У 1951—1955 гг. вучыўся ў Віцебскім мастацка-графічным вучылішчы, у 1956—1957 гг. — на 5 курсе Мінскага мастацкага вучылішча. Некаторы час працаваў у сістэме Мастацкага Фонду БССР (г. Віцебск). У 1964 годзе скончыў Беларускі дзяржаўны тэатральны інстытут. Вучыўся ў Ф. Дарашэвіча, Аляксандра Мазалёва, Яўгена Чамадурава.

З 1964 года 10 лет працаваў мастаком-пастаноўшчыкам Гродзенскага абласнога драматычнага тэатра, аформіў больш за 30 спектакляў.

Удзельнік мастацкіх выставак з 1966 г. Член Саюза мастакоў БССР з 1966 г, кіраўнік Гродзенскай абласной арганізацыяй Саюза мастакоў БССР.

Творчасць

Персанальныя выстаўкі жывапісу наладжваў у Беларусі, Польшчы і Германіі.

Працуе ў станковым жывапісе ў жанрах пейзажа, партрэта, тэматычнай карціны і нацюрморта, а таксама ў станковай графіцы і сцэнаграфіі.

Асноўныя творы: карціны «Год 1929», «Май 1945 года», «Маё хрышчэнне», «…І апусціўся анёл», «Сын цывілізацыі», «Слуцкія ткачыхі», серыя партрэтаў дзеячаў культуры Беларусі; афармленне спектакляў: «Варвары» М. Горкага, «Шануй бацьку свайго» В. Лаўрэнцьева, «Амністыя» М. Матукоўскага, «Трыбунал» Андрэя Макаёнка, «Дамы і гусары» А. Фрэдра, «Снежная каралева» Яўгена Шварца.

Творы знаходзяцца ў Нацыянальным мастацкім музеі Беларусі, фондах Беларускага саюза мастакоў і Музеі сучаснага выяўленчага мастацтва ў Мінску, а таксама ў прыватных калекцыях Расіі, Польшчы, Германіі, Галандыі і іншых краін.

Сям’я

Жонка — актрыса, заслужаная артыстка Рэспублікі Беларусь Тамара Нікалаева.

Узнагароды

Заслужаны дзеяч мастацтваў Рэспублікі Беларусь
лаўрэат Прэміі Прэзідэнта Рэспублікі Беларусь
кавалер ордэна Францыска Скарыны (2011)
лаўрэат спецыяльнай прэміі Прэзідэнта Рэспублікі Беларусь «За духоўнае адраджэнне» (2007)
ганаровы член Расійскай акадэміі мастацтваў (2017)^[1]
ганаровы грамадзянін Дубровенскага раёна (2018)^[2]

Зноскі

↑ На пасяджэнні Прэзідыума Расійскай акадэміі мастацтваў 17 студзеня 2017 года(недаступная спасылка)
↑ Ольга Лебедева В 25-й раз прошел Международный фестиваль песни и музыки «Дняпроўскія галасы ў Дуброўне» // Беларусь Сегодня, 26 июня 2018. (нявызн.)(недаступная спасылка). Архівавана з першакрыніцы 2 сакавіка 2020. Праверана 9 сакавіка 2020.

Літаратура

Апіёк Мікалай Апанасавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. — Мн., 2004. — Т. 18, Кн.1. — С. 335.
Апіёк Мікалай Апанасавіч // Беларускі Саюз Мастакоў : энцыклапедычны даведнік / рэдкал.: Б. А. Крэпак [і інш.]. — Мн., 1998. — С. 25.

[1] На пасяджэнні Прэзідыума Расійскай акадэміі мастацтваў 17 студзеня 2017 года(недаступная спасылка)

[2] Ольга Лебедева В 25-й раз прошел Международный фестиваль песни и музыки «Дняпроўскія галасы ў Дуброўне» // Беларусь Сегодня, 26 июня 2018. (нявызн.)(недаступная спасылка). Архівавана з першакрыніцы 2 сакавіка 2020. Праверана 9 сакавіка 2020.

[1]

[2]