Міхаіл Андрэевіч Блішч

Міхаіл Андрэеевіч Блішч
Міхаіл Андрэеевіч Блішч
Дата нараджэння	7 лістапада 1917
Месца нараджэння	Заспа, Рэчыцкі павет, Мінская губерня, Расійская рэспубліка;
Дата смерці	9 мая 1966 (48 гадоў)
Месца смерці	Мінск, БССР, СССР;
Месца пахавання	Усходнія могілкі;
Грамадзянства	СССР
Род дзейнасці	мастак
Жанр	сцэнаграфія, пейзаж
Вучоба	Віцебскае народнае мастацкае вучылішча;
Мастацкі кірунак	рэалізм
	Медыяфайлы на Вікісховішчы

Міхаіл Андрэеевіч Блішч (7 лістапада 1917, Заспа, Рэчыцкі павет, Мінская губерня — 9 мая 1966, Мінск, Беларусь) — беларускі мастак тэатра, жывапісец.

Біяграфія

З 1934 па 1938 год вучыўся ў Віцебскім мастацкім тэхнікуме у І. Ахрэмчыка, апасля у С. Нікалаева. З 1938 па 1956 гады працаваў мастаком Беларускага дзяржаўнага акадэмічнага Вялікага тэатра оперы і балета, спачатку выканаўцам дэкарацый, потым пастаноўшчыкам.

Удзельнічаў у вайне супраць нацыстскай Германіі (1941—1945).

Сябра Саюза мастакоў БССР з 1949.

Творчасць

Працаваў у сцэнаграфіі, станковым жывапісу і графіцы. Выканаў афармленне оперных і балетных спектакляў Беларускага дзяржаўнага акадэмічнага Вялікага тэатра оперы і балета: «Севільскі цырульнік» Дж. Расіні (1949), «Алека» С. Рахманінава (1950), «Доктар Айбаліт» І. Марозава (1951), «Марынка» Р. Пукста (1956), «Жызель» А. Адана (1953), «Лаўрэнсія» А. Крэйна (1955). Аформіў драматычныя пастаноўкі «Пунсовая кветачка» І. Карнавухавай і Л. Браўсевіча (1952, тэатр Я. Купалы), «Гады вандраванняў» А. Арбузава (1954, Гомельскі абласны драматычны тэатр).

У станковым жывапісу напісаў пейзажы: «Купальскі вечар» (1960), «Саўгас „Аколіца“» (1961), «Дарога на Красную Паляну» (1962), «Стары Мінск» (сярэдзіна 1950-х), «Капры Салігорска» (пачатак 1960-х) і інш. Зрабіў насценную размалёўку «Дэман» (1958) у Дзяржаўным тэатры оперы і балета Беларусі.

Да станковой графікі дачыняюцца твор "Беларускі тэатр «Батлейка» (1959), эскізы дэкарацый спектакляў, эскізы касцюмаў для беларускіх танцавальных і харавых калектываў.

Браў удзел у мастацкіх выстаўках з 1939 г. Карціны Міхаіла Блішча неаднаразова экспанаваліся ў Нацыянальным мастацкім музеі Рэспублікі Беларусь^[1]^[2]. Персанальныя выстаўкі адбыліся ў г. Мінску у 1969-м і 2017-м годзе^[3]. Творы мастака знаходзяцца ў Нацыянальным мастацкім музеі Рэспублікі Беларусь, фондзе Беларускага саюза мастакоў, музеях Расійскай Федэрацыі.

Эскіз дэкарацыі да оперы «Севільскі цырульнік» (1949).
Беларускі тэатр Батлейка. 1959
Каўказ. Дарога на Красную Паляну
Капры Салігорска
Саўгас «Аколіца»
Слуцкія ткачыхі
Лагойская шаша

Зноскі

↑ И дольше века... (нявызн.)(недаступная спасылка). Национальный художественный музей Республики Беларусь. Архівавана з першакрыніцы 28 лютага 2018.
↑ ПЛЫНЬ ЧАСУ. Выстаўка твораў мастакоў Беларусі – юбіляраў 2017 года (нявызн.). Национальный художественный музей Республики Беларусь.
↑ ArtMuseum.by Торжественное открытие выставки "Михаил Блищ. К 100-летию со дня рождения

Літаратура

Беларуская энцыклапедыя: У 18 т. Т. 3: Беларусы - Варанец / рэдкал.: Г. П. Пашкоў і інш.. — Мн.: БелЭН, 1996. — 511 с. — 10 000 экз. — ISBN 985-11-0068-4.

Спасылкі

На Вікісховішчы ёсць медыяфайлы па тэме Міхаіл Андрэевіч Блішч

[1] И дольше века... (нявызн.)(недаступная спасылка). Национальный художественный музей Республики Беларусь. Архівавана з першакрыніцы 28 лютага 2018.

[2] ПЛЫНЬ ЧАСУ. Выстаўка твораў мастакоў Беларусі – юбіляраў 2017 года (нявызн.). Национальный художественный музей Республики Беларусь.

[3] ArtMuseum.by Торжественное открытие выставки "Михаил Блищ. К 100-летию со дня рождения

[1]

[2]

[3]