Міхаіл Васілевіч Сярбулаў

Міхаіл Васілевіч Сярбулаў
Міхаіл Васілевіч Сярбулаў
Дата нараджэння	1866
Месца нараджэння	Кіеў, Кіеўская губерня, Расійская імперыя;
Краіна	Расійская імперыя;
Бацька	Васіль Іванавіч Сербулаў[d]
Альма-матар	Кіеўскі нацыянальны ўніверсітэт імя Тараса Шаўчэнкі; Кіеўская муніцыпальная акадэмія музыкі імя Р. М. Гліера; Льежская кансерваторыя[d];
Месца працы	Пражская кансерваторыя; Рускае музычнае таварыства[d];
Музычная дзейнасць
Прафесіі	скрыпач, музычны педагог, кампазітар, дырыжор

Міхаіл Васілевіч Сярбу́лаў^[1] (2-я палова XIX — пачатак XX стагоддзя^[1]) — рускі скрыпач, кампазітар, дырыжор і педагог.

Нарадзіўся ў Кіеве. Вучыўся ў Кіеўскім Імператарскім ўніверсітэце святога Уладзіміра і Кіеўскім музычным вучылішчы. Вышэйшую музычную адукацыю атрымаў у Францыі, у Льежскай кансерваторыі па спецыяльнасцях: скрыпка (клас прафесара С. Томсана) і кампазіцыя (клас Ж. Дзюпона)^[2]. Кансерваторыю скончыў у 1890 годзе^[1]. У 1882—1885 гадах выступаў у складзе квартэта Кіеўскага аддзялення Рускага музычнага таварыства. Як скрыпач-віртуоз выступаў з канцэртамі ў Еўропе, працаваў дырыжорам сімфанічных аркестраў у Берліне і Лейпцыгу. У 1890—1894 гадах выступаў з канцэртамі ў Мінску^[1]. З сярэдзіны 1890-х гадоў выкладаў у Пражскай кансерваторыі^[1] (прафесар), музычным інстытуце ў Петраградзе^[2], працаваў у Тбілісі і Кішынёве^[1]. У 1918 годзе па сямейных абставінах пераехаў у Екацярынадар^[2].

М. В. Сярбулаў аўтар інструментальных кампазіцый для трыа і квартэтаў, мініяцюр для скрыпкі і фартэпіяна^[1].

Зноскі

Капілаў А. Л. Сярбу́лаў Міхаіл Васілевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 353. — 10 000 экз. — ISBN 985-11-0035-8. — ISBN 985-11-0251-2 (т. 15).