Ордэн «За ўмацаванне міру і дружбы»

Ордэн «За ўмацаванне міру і дружбы»
Ордэн «За ўмацаванне міру і дружбы»
Арыгінальная назва	Ордэн «За ўмацаванне міру і дружбы»
Краіна	Беларусь
Тып	Ордэн
Каму ўручаецца	Кіраўнікі замежных дзяржаў, асобы, якія займаюць вышэйшыя пасады ў дзяржаўных органах замежных краін, а таксама выдатныя палітычныя і грамадскія дзеячы
Кім уручаецца	Прэзідэнт Рэспублікі Беларусь
Дата заснавання	25 мая 2017
Статус	уручаецца
Статыстыка ўзнагароджанняў
Колькасць	1
Старэйшая	ордэн Маці
Малодшая	Медаль «За адвагу»

Ордэн «За ўмацаванне міру і дружбы» — беларуская дзяржаўная ўзнагарода, ордэн.

Гісторыя

29 верасня 2016 года адбылося першае ўзнагароджанне ордэнам кітайскага лідара Сі Цзіньпіна^[1].

27 мая 2017 года Прэзідэнт Рэспублікі Беларусь Аляксандр Лукашэнка падпісаў Указ № 184, паводле якога былі заснаваны новыя дзяржаўныя ўзнагароды^[2].

Статут

Ордэнам узнагароджваюцца:

за выключныя заслугі ва ўмацаванні двухбаковых адносін з Рэспублікай Беларусь, аказанне ўсямернага садзейнічання ў яе сацыяльна-эканамічным развіцці і працвітанні;
за вялікі асабісты ўклад ва ўстанаўленне дружбы і эканамічнага супрацоўніцтва паміж дзяржавамі, інтэграцыю Рэспублікі Беларусь у міжнародныя структуры;
у знак удзячнасці за актыўную міратворчую дзейнасць, гарманізацыю міжнацыянальных адносін, спонсарскую дзейнасць і правядзенне значных гуманітарных мерапрыемстваў на карысць чалавецтва, яднання і згоды ў сусветнай супольнасці.

Апісанне

Ордэн ўяўляе сабой залацістую васьміканцовую зорку дыяметрам 71 мм на фоне разыходных серабрыстых прамянёў, у цэнтры якой размешчаны круг дыяметрам 38 мм, пакрыты белай і чырвонай эмаллю. У цэнтры круга размешчаны рэльефны відарыс Дзяржаўнага герба Рэспублікі Беларусь з надпісам па акружнасці «За ўмацаванне міру і дружбы». Круг абрамлены борцікам у выглядзе двайнога вітага жгута. Паміж прамянямі васьміканцовай зоркі размешчаны брыльянты. Адваротны бок ордэна мае гладкую паверхню, у цэнтры знаходзіцца нумар ордэна.

Ордэн пры дапамозе вушка і кальца мацуецца да прамавугольнай планкі памерам 45х11 мм, пакрытай чырвонай эмаллю, з надпісам «РЭСПУБЛІКА БЕЛАРУСЬ». У ніжняй частцы планкі размешчаны лаўровыя галіны. Планка пры дапамозе кольцаў мацуецца да ордэнскага ланцуга. Ланцуг складаецца з двух відаў звёнаў, якія чаргуюцца: 11 пазалочаных васьмігранных зорак дыяметрам 28 мм, выкананых у выглядзе васілька, і 10 прамавугольнікаў памерам 50х17 мм, пакрытых зялёнай і чырвонай эмаллю, з выявай нацыянальнага арнаменту.

Ордэн вырабляецца з серабра з пазалотай.^[3].

Узнагароджанні

№	Краіна	Фота	Імя	Пасада	Дата ўзнагароджання
1	Кітай		Сі Цзіньпін	Генеральны сакратар ЦК КПК Старшыня КНР	29 верасня 2016

Зноскі

↑ Лукашенко наградил Си Цзиньпина орденом "За укрепление мира и дружбы" (нявызн.). БелТА.
↑ Новые государственные награды учреждены в Республике Беларусь (нявызн.)(недаступная спасылка). Pravo.by. Архівавана з першакрыніцы 1 лютага 2020. Праверана 14 лістапада 2020.
↑ Ордэн «За ўмацаванне міру і дружбы»

[1] Лукашенко наградил Си Цзиньпина орденом "За укрепление мира и дружбы" (нявызн.). БелТА.

[2] Новые государственные награды учреждены в Республике Беларусь (нявызн.)(недаступная спасылка). Pravo.by. Архівавана з першакрыніцы 1 лютага 2020. Праверана 14 лістапада 2020.

[3] Ордэн «За ўмацаванне міру і дружбы»

[1]

[2]

[3]