Пустынь
![](http://upload.wikimedia.org/wikipedia/commons/thumb/0/0e/%D0%93%D0%BB%D0%B8%D0%BD%D1%81%D1%8C%D0%BA%D0%B0_%D0%BF%D1%83%D1%81%D1%82%D0%B8%D0%BD%D1%8C.jpg/220px-%D0%93%D0%BB%D0%B8%D0%BD%D1%81%D1%8C%D0%BA%D0%B0_%D0%BF%D1%83%D1%81%D1%82%D0%B8%D0%BD%D1%8C.jpg)
Пу́стынь — манашаскае пасяленне ў традыцыі праваслаўя, звычайна аддалены ад асноўнага манастыра скіт, які размяшчаўся ў незаселеным людзьмі месцы. Раней пу́стынямі называлі невялікія мужчынскія манаскія абшчыны, якія мелі звычайна не больш за адзін храм. У далейшым такі манастыр мог значна вырасці ў памерах, але захаваць у сваім назове слова пустынь.
У цяперашні час уваходзіць у склад назвы некаторых манастыроў, напр., Свята-Пакроўская Галасееўская пустынь у Кіеве.
У 2015 г. пры археалагічных раскопках на селішчы Свята-Елісееўскага Лаўрышаўскага мужчынскага манастыра (в. Лаўрышава, Шчорсаўскі сельсавет, Навагрудскі раён, Гродзенская вобласць) выяўлена сярэдневяковая прыкладна́я матрыца пячаткі XIII — XIV ст., надпіс на якой спецыяліст па эпіграфіцы, кандыдат гістарычных навук І. Л. Калечыц (г. Мінск) прачытала як «Святая пу́стынь»[1].
Зноскі
- ↑ Германовіч, А. На раскопках Лаўрышаўскага манастыра знайшлі ўнікальную матрыцу-пячатку XIII стагоддзя Архівавана 8 снежня 2015. // Будзьма беларусамі! [Электронны рэсурс] — 2015. 10 верасня. — Дата доступу: 25.11.2015.