Рунь (часопіс)
| «Рунь» | |
|---|---|
| Тып | часопіс |
| Выдавец | Вацлаў Іваноўскі |
| Заснавана | 2 мая 1920 |
| Мова | беларуская |
| Галоўны офіс | |
| Тыраж | |
«Рунь» — штотыднёвы ілюстраваны літаратурна-мастацкі часопіс. Выходзіў з 2 мая да 4 ліпеня 1920 года на беларускай мове ў Менску за часамі польскай акупацыі. Рэдактар Янка Луцэвіч (Янка Купала), выдавец Вацлаў Іваноўскі. Лічыўся пераемнікам выдання «Беларускае жыццё»[1].
Тэматыка
[правіць | правіць зыходнік]Кірунак яго выявіўся ў артыкулах і нататках па сацыяльна-палітычных праблемах, у вершах, апавяданнях, нарысах, «малых» жанрах драматургіі і ў літаратурна-мастацкай публіцыстыцы. Выступаў за нацыянальнае самавызначэнне беларускага народа, усебаковае развіццё яго эканомікі і культуры. Актыўны ўдзел у выданні прымалі Л. Родзевіч, М. Кудзелька, мастак Я. Драздовіч, супрацоўнікі беларускага тэатра і грамадскіх культурна-асветніцкіх устаноў. Апублікаваў шэраг мастацкіх твораў, у т.л. вершы А. Гаруна, М. Чарота, К. Буйло, У. Жылкі, А. Петрашкевіча, М. Краўцова, апавяданні і артыкулы М. Багдановіча, 3. Бядулі, І. Піліпава, Л. Родзевіча і інш. Змясціў даследаванні Я. Карскага, Ф. Аляхновіча, У. Ігнатоўскага, І. Гердэра. Надрукаваў рэцэнзіі на творы М. Гарэцкага, на аглядныя артыкулы пра беларускіх пісьменнікаў, фатаграфіі пісьменнікаў і тэатральных дзеячаў і малюнкі беларускіх краявідаў, помнікаў гісторыі і культуры.
У № 5—8 часопіса была ўпершыню надрукаваная п’еса Я. Купалы «Прымакі».
Крыніцы
[правіць | правіць зыходнік]- ↑ Турук, с.67
Літаратура
[правіць | правіць зыходнік]- Конан, У. «Рунь» / Уладзімір Конан // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 591 с. — 10 000 экз. — ISBN 985-11-0214-8. — С. 133.