Рыгор Астапеня

Рыгор Астапеня
Дата нараджэння	14 красавіка 1990(1990-04-14) (34 гады)
Месца нараджэння	Салігорск, Салігорскі раён, Мінская вобласць, БССР, СССР
Род дзейнасці	палітолаг
Месца працы	Цэнтр новых ідэй Цэнтр Астрагорскага
Навуковая ступень	доктар філасофіі
Альма-матар	Варшаўскі ўніверсітэт UMCS

Рыгор Яўгенавіч Астапеня (нар. 14 красавіка 1990, Салігорск) — беларускі палітолаг. Заснавальнік і дырэктар па даследаваннях Цэнтра новых ідэй, дырэктар «Беларускай ініцыятывы» ў Chatham House. Атрымаў доктарскую ступень (PhD) па паліталогіі ў Варшаўскім універсітэце.

Біяграфія

Нарадзіўся і гадаваўся ў Салігорску.

Вучоба

У 2008 годзе скончыў школу № 4 з паглыбленным вывучэннем англійскай мовы.

У 2008—2011 гадах навучаўся на бакалаўрыяце на факультэце паліталогіі Універсітэту Марыі-Кюры Складоўскай у Любліне.

У 2011—2013 гадах навучаўся ў магістратуры факультэта журналістыкі і паліталогіі Варшаўскага ўніверсітэта.

У 2013—2018 гадах навучаўся ў дактарантуры факультэта журналістыкі і паліталогіі Варшаўскага ўніверсітэта, абараніўся дысертацыю на тэму замежнай палітыкі Беларусі.

У 2019—2020 гадах навучаўся ў Акадэміі лідарства ў міжнародных справах каралевы Лізаветы II.

Грамадская і прафесійная дзейнасць

У 2012 годзе стварыў сайт «Ідэя», які пазней ператварыўся у Цэнтр новых ідэй і дагэтуль працуе ў ім.

У 2012—2017 гадах працаваў аналітыкам, а пазней дырэктарам па развіцці ў Цэнтры Астрагорскага.

Ад 2019 года працуе ў Каралеўскім інстытуце міжнародных спраў (вядомым таксама як Chatham House).

Часта выступае на мерапрыемствах, прысвечаных беларускай палітыцы. Яго аналіз і каментары з’явіліся ў розных СМІ і аналітычных цэнтрах, уключаючы Washington Post, Guardian, BBC World Service, CNN, Euronews, Monocle Radio, Еўрапейскі савет па міжнародных адносінах і Carnegie Europe.

У 2024 годзе завочна асуджаны ў Беларусі да 10 гадоў пазбаўлення волі па справе «аналітыкаў Святланы Ціханоўскай».

Бібліяграфія

З’яўляецца аўтарам і суаўтарам шматлікіх даследаванняў і публікацый у СМІ і аналітычных цэнтрах па тэмах палітычнага развіцця Беларусі і беларускай знешняй палітыкі. Найважнейшыя з іх:

• Belarus before the election (Carnegie Europe, 2015).
• Belarus and the Eurasian Economic Union: The view from Minsk (European Council of Foreign Relations, 2015).
• Belarus-Russia relations after the Ukraine conflict (Ostrogorski Centre, 2016).
• Belarus-Lithuania relations: common interests and the nuclear dispute (Ostrogorski Centre, 2018).
• Tożsamość międzynarodowa Białorusi (Uniwersytet Warsawski, 2018).
• Рэйтынг беларускіх гарадоў (Цэнтр новых ідэй, 2019).
• Will Russia try to occupy Belarus? (Washington Post, 2019).
• Lukashenka’s commitment to Belarusian sovereignty is overstated (Chatham House, 2020).
• What Belarusians Think About Their Country’s Crisis (Chatham House, 2020).
• Why the Corrupt President of Belarus Deserves Sanctions (The Telegraph, 2020).
• Рэгулярны маніторынг грамадскага меркавання Беларусь (Chatham House, з 2020).
• Is Neutrality Possible for Belarus? (Цэнтр новых ідэй, 2021).
• Why the Belarusian Revolution Has Stalled (Chatham House, 2021).
• Lukashenko is dragging Belarus closer to a war that most of its citizens don’t want (The Guardian, 2022).
• The Degradation of Belarusian Foreign Policy: A Proposed Course Correction (Цэнтр новых ідэй, 2022).