Свята-Мікалаеўская царква (Благавічы)
| Праваслаўны храм | |
| Свята-Мікалаеўская царква | |
|---|---|
 | |
| 53°50′04″ пн. ш. 30°50′35″ у. д.HGЯO | |
| Краіна |
 Беларусь |
| Вёска | Благавічы |
| Канфесія | Праваслаўе |
| Епархія | Магілёўская і Мсціслаўская |
| Благачынне | Чавускае |
| Архітэктурны стыль | эклектыка |
| Дата пабудовы | 1903 год |
| Статус |
 Гісторыка-культурная каштоўнасць Беларусі, шыфр 513Г000544 |
| Стан | дзейнічае |
 |
|
 Медыяфайлы на Вікісховішчы | |
Свя́та-Мікала́еўская царква́ — мураваны праваслаўны храм на ўсходняй ускраіне вёскі Благавічы Чавускага раёна Магілёўскай вобласці.
Гісторыя
[правіць | правіць зыходнік]Царква была пабудавана ў другой палове XIX стагоддзя з цэглы на месцы храма 1797 года. У 1887 годзе пры ёй адкрыта царкоўнапрыходская школа. Царква перабудавана ў сярэдзіне 1960-х гадоў пад сялянскі клуб. У канцы XX стагоддзя адноўлена.
Архітэктура
[правіць | правіць зыходнік]Помнік эклектычнай архітэктуры з рысамі позняга класіцызму і псеўдарускага стылю. Крыжападобную планіровачную форму храма фарміруюць аднолькавыя па вышыні прытвор, трапезная, кубападобная малітоўная зала, бакавыя прыдзелы, паўкруклая апсіда з акруглымі рызніцамі. Над сяродкрыжжам узведзены нізкі васьмігранны барабан пад пакатым гранёным шатром, завершаным цыбулепадобным купалам. Над прытворам раней узвышалася шатровая званіца. Галоўны і бакавыя (у пазухах аб'ёмаў) уваходы аформлены арачнымі парталамі з трохвугольнымі франтонамі. Атынкаваныя фасады апяразаны прафіляваным карнізам з гарадковым фрызам, крапаваны вуглавымі шырынкавымі лапаткамі і паўкалонкамі. Прамавугольныя аконныя праёмы аформлены трохвугольнымі сандрыкамі, арачныя аконныя праёмы — архівольтамі. Унутры памяшканні аб'яднаны з цэнтральнай малітоўнай залай шырокімі арачнымі прасветамі, апсіду вылучае двух'ярусны драўляны іканастас.
Літаратура
[правіць | правіць зыходнік]- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
- Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007
Спасылкі
[правіць | правіць зыходнік]
На Вікісховішчы ёсць медыяфайлы па тэме Свята-Мікалаеўская царква (Благавічы)- Свята-Мікалаеўская царква (Благавічы) на сайце Праваслаўная архітэктура Беларусі (бел.)
- Свята-Мікалаеўская царква (Благавічы) на сайце Radzima.org
- Свята-Мікалаеўская царква (Благавічы) на сайце Глобус Беларусі (руск.)
- Свята-Мікалаеўская царква (Благавічы) на сайце «Архіварта»
