Сяргей Сяргеевіч Смірноў

Сяргей Сяргеевіч Смірноў
руск.: Сергей Сергеевич Смирнов
Дата нараджэння	2 (14) верасня 1895
Месца нараджэння	Іванава, Шуйскі павет[d], Уладзімірская губерня, Расійская імперыя
Дата смерці	20 жніўня 1947(1947-08-20) (51 год)
Месца смерці	Ленінград, РСФСР, СССР
Месца пахавання	Літаратарскія масткі[d]
Грамадзянства	Расійская імперыя  СССР
Род дзейнасці	навуковец
Навуковая сфера	геалогія і мінералогія
Месца працы	Санкт-Пецярбургскі горны інстытут Усерасійскі навукова-даследчы геалагічны інстытут імя А. П. Карпінскага[d] Геалагічны інстытут РАН[d]
Навуковая ступень	доктар геолага-мінералагічных навук і спіс правадзейных членаў АН СССР[d]
Альма-матар	Санкт-Пецярбургскі горны інстытут (1919)
Член у	Акадэмія навук СССР
Узнагароды
Подпіс

Сяргей Сяргеевіч Смірно́ў (руск.: Сергей Сергеевич Смирнов; 16 верасня 1895 — 20 жніўня 1947) — савецкі геолаг, мінералог, акадэмік Акадэміі навук СССР (1943, член-карэспандэнт з 1939 года).

Біяграфія

Нарадзіўся ў горадзе Іванава-Вазнясенск Уладзімірскай губерні. У 1919 годзе скончыў Петраградскі горны інстытут. Застаўся працаваць у ім спачатку асістэнтам пры кафедры мінералогіі. З 1935 года прафесар, у 1933—1937 гадах — загадчык кафедры. Адначасова ў 1929—1941 гадах на пасадзе загадчыка аддзела ў Геалагічным камітэце (Усесаюзным навукова-даследчым геалагічным інстытуце). З 1945 года загадчык аддзела Інстытута геалагічных навук Акадэміі навук СССР.

Навуковая і грамадская дзейнасць

Аўтар навуковых прац па мінералогіі рудных радовішчаў, праблемах пародаўтварэння. Распрацаваў вучэнне аб занальнасці гідратэгмальнага абруднення і яго сувязі з магматызмам. Стварыў металагенічны кірунак даследаванняў у вучэнні аб карысных выкапнях. Займаўся даследаваннем рудных радовішчаў Урала (1921—1922), Забайкалля (1923—1933), Далёкага Усходу і Паўночна-Усходу СССР (1934—1947). Адкрыў і апісаў шэраг радовішчаў руд жалеза, каляровых і рэдкіх металаў.

Старшыня Усесаюзнага мінералагічнага таварыства (1945). Ганаровы член Французскага мінералагічнага таварыства (1947).

Сярод апублікаваных прац С. С. Смірнова

• Зона окисления сульфидных месторождений — М., 1951;
• Избр. труды — М., 1955;
• Полиметаллические месторождения и металлогения Восточного Забайкалья — М., 1961;
• Рудные месторождения и металлогения восточных районов СССР — М., 1962.

Ушанаванне памяці

У гонар С. С. Смірнова названыя гара на паўвостраве Таймыр, ледавік у хрыбце Чэрскага і ледніковы комплекс на востраве Бальшавік архіпелага Паўночная Зямля, пасёлак і радовішча алавяна-пооліметалічных руд у Прыморскім краі, мінерал смірнаўскіт. У 1949 годзе Акадэміяй навук СССР заснавана прэмія імя С. С. Смірнова<ref name="ВРЭ">.

Літаратура

• Смірноў Сяргей Сяргеевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 57. — 10 000 экз. — ISBN 985-11-0035-8. — ISBN 985-11-0251-2 (т. 15).
• Смирнов Сергей Сергеевич // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
• Г. И. Молявко и др. Геологи. Географы. — Киев, Наукова думка, 1985.

Спасылкі

• Профіль Сергея Сергеевича Смирнова на афіцыйным сайце РАН
• Сергей Сергеевич СМИРНОВ Архівавана 8 сакавіка 2022. (руск.) // Усерасійскі навукова-даследчы геалагічны інстытут імя А. П. Карпінскага
• Смирнов Сергей Сергеевич // Горная энциклопедия (руск.)
• Смирнов Сергей Сергеевич (1895-20.08.1947). 120 лет со дня рождения (руск.) // Магаданская обласная ўніверсальная бібліятэка імя А. С. Пушкіна
• Выдающиеся геологи. Портретная галерея ВСЕГЕИ, 2007 Архівавана 9 сакавіка 2022. (руск.)