Ян Мікалай Хадкевіч

Ян Мікалай Хадкевіч
польск.: Jan Mikołaj Chodkiewicz
Я. М. Хадкевіч. Са збору Сангушкаў у Гумнішках, каля 1780
Герб «Касцеша»
Староста жамойцкі 1765 — 1781
Папярэднік	Юзаф Тышкевіч
Пераемнік	Антоні Гелгуд
Нараджэнне	14 снежня 1738(1738-12-14) Гданьск, Гданьскі павет, Паморскае ваяводства, Велікапольская правінцыя, Карона Каралеўства Польскага, Рэч Паспалітая
Смерць	2 лютага 1781(1781-02-02) (42 гады) ці 26 лютага 1781(1781-02-26) (42 гады) Чарнобыль, Кіеўскі павет[d], Кіеўскае ваяводства, Малапольская правінцыя, Карона Каралеўства Польскага, Рэч Паспалітая
Месца пахавання	Супрасльскі манастыр, Гарадзенскі павет, Вялікае Княства Літоўскае
Род	Хадкевічы
Бацька	граф Адам Тадэвуш Хадкевіч
Маці	графіня Ева Чапская
Жонка	графіня Марыя Людвіка Жавуская. Шлюб у 1766 г.
Дзеці	1) Вацлаў Хадкевіч, 2) Юзаф Хадкевіч, 3) Ксаверый Хадкевіч, 4) Аляксандр Францішак Хадкевіч, 5) Ганна Хадкевіч, 6) Разалія Хадкевіч (жонка Аляксанд), 7) Альжбета Хадкевіч (жонка Мацея Радзівіла) (1749-1800))
Адукацыя	Віленскі ўніверсітэт
Званне	генерал-лейтэнант
Узнагароды	Ордэн Белага арла Ордэн Святога Станіслава
Медыяфайлы на Вікісховішчы

Ян Мікалай Хадкевіч (14 снежня 1738 — 2 лютага 1781) — дзяржаўны і вайсковы дзеяч ВКЛ і Рэчы Паспалітай. Генерал-ад'ютант (з 1764), адначасова кашталян і староста генеральны жамойцкі (з 1765).

Паходжанне і сям'я

З магнацкага роду Хадкевічаў герба «Касцеша», сын Адама Тадэвуша, ваяводы берасцейскага і графіні Евы Чапскай (памерла ў 1769 годзе).

У 1766 г. узяў шлюб з графіняй Марыяй Людвікай Жавускай, з якой меў дзяцей:

1. Вацлаў Хадкевіч
2. Юзаф Хадкевіч (памёр у дзяцінстве)
3. Ксаверый Хадкевіч (памёр у дзяцінстве)
4. Аляксандр Францішак Хадкевіч
5. Ганна Хадкевіч
6. Разалія Хадкевіч — жонка князя Аляксандра Любамірскага (1749—1808)
7. Альжбета Хадкевіч — жонка князя Мацея Радзівіла (1749—1800)

Ад бацькі атрымаў у спадчыну графскі тытул на Шклове і Мышы.

Адукацыя

У 1757 г. скончыў Віленскую акадэмію. Пэўны час жыў у маёнтку Турэц на Новагародскім ваяводстве.

Служба

У 1764 г. выбіраўся паслом на канвакацыйны сойм. Падтрымаў абранне Станіслава Аўгуста Панятоўскага. Атрымаў ад караля і вялікага князя шэраг урадаў.

У час Барскай канфедэрацыі заняў неадназначную пазіцыю. Афіцыйна шкадаваў пра стан краіны, што аднак не перашкаджала яму падтрымліваць камандзіраў расійскага і прускага войскаў, якія баранілі яго зямельную ўласнасць. У 1778 г. атрымаў званне генерал-лейтэнанта арміі Расійскай Імперыі.

Смерць і пахаванне

Памёр 2 лютага 1781 года ў Чарнобылі, пахаваны ў Супрасльскім манастыры.

Спасылкі

• Генеалогія Хадкевічаў Архівавана 27 ліпеня 2014.