Ян Цыкер

Ян Цыкер
славацк.: Ján Cikker
Асноўная інфармацыя
Дата нараджэння	29 ліпеня 1911(1911-07-29)[…]
Месца нараджэння	Банска-Бістрыца, раён Банска-Бістрыца[d], камітат Зоям[d], Аўстра-Венгрыя
Дата смерці	21 снежня 1989(1989-12-21)[…] (78 гадоў)
Месца смерці	Браціслава, Славацкая Сацыялістычная Рэспубліка[d], ЧССР
Месца пахавання	Славічча удалле[d]
Краіна	Чэхаславакія
Альма-матар	Пражская кансерваторыя Вышэйшая школа выканальніцкага мастацтва ў Браціславе[d]
Месца працы	Браціслаўская кансерваторыя[d] Вышэйшая школа выканальніцкага мастацтва ў Браціславе[d]
Музычная дзейнасць
Прафесіі	кампазітар, педагог
Жанры	опера
Выхаванцы	Pavol Šimai[d]
Грамадская дзейнасць
Член у	Акадэмія мастацтваў ГДР[d]
Узнагароды	Народны артыст Чэхаславакіі[d] (21 лютага 1966) прэмія Гердэра[d] Ján Levoslav Bella Prize[d] (1966)
jan-cikker.org
Медыяфайлы на Вікісховішчы

Ян Цыкер (славацк.: Ján Cikker; 29 ліпеня 1911, г. Банска-Бістрыца, Славакія — 21 снежня 1989) — славацкі кампазітар, педагог; адзін з заснавальнікаў славацкай кампазітарскай школы. Народны артыст Чэхаславакіі (1966).

Біяграфія

Навучаўся ў Пражскай кансерваторыі (1930—35), стажыраваўся ў Фелікса Вайнгартнёра ў Вене (1936—1937) і ў Віцезслава Новака ў Празе (1936—1939).

У 1939—1949 выкладаў у Браціслаўскай кансерваторыі. У 1945—1948 быў адначасна кіраўніком рэпертуарнай часткі опернай трупы Славацкага нацыянальнага тэатра. У 1951—1973 — прафесар Вышэйшай школы музычных мастацтваў у Браціславе.

Старшыня нацыянальнай Музычнага савета ЧССР.

Творчасць

У творчасці спалучаў асаблівасці нацыянальнага музычнага фальклору з прыёмамі сучаснай заходнееўрапейскай кампазіцыйнай тэхнікі. Сярод твораў: оперы «Уваскрэсенне» (паст. 1962), «Містэр Скрудж» (паст. 1963), «Карыялан» (паст. 1974), «Аблога Бістрыцы» (паст. 1983), «З жыцця насякомых» (1985); кантата (1940), араторыя «Ода радасці» (1982), 3 сімфоніі (1930—74), 3 струнных квартэты. Пісаў музыку да драматычных спектакляў, кіно.

Узнагароды

Лаўрэат Славацкай нацыянальнай прэміі (1945), Чэхаславацкай прэміі міру (1951), Дзяржаўнай прэміі імя К. Готвальда (1955, 1963, 1975), заслужаны артыст ЧССР (1961), народны артыст ЧСРР (1966). Прэмія Гердэра (Вена, 1966), Прэмія Мадача (Будапешт, 1966), Прэмія Міжнароднай музычнай рады — ЮНЕСКА (1979).

Ордэн Працы (1971). Ордэн Людавіта Штура I ступені (2011, пасмяротна).

Ушанаванне памяці

У Браціславе дзейнічае музей Яна Цыкера.

Літаратура

• Цыкер // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).
• MAŤOVČÍK, Augustín, et al. CIKKER, Ján // Reprezentačný biografický lexikón Slovenska (славацк.). — Martin: Matica slovenská, 1999. — С. 51. — 384 с. — ISBN 80-7090-537-9.

Спасылкі

• Старонка, прысвечаная Яну Цыкеру (славацк.)
• Жыццяпіс Архівавана 20 чэрвеня 2020. (славацк.)