Ізабела Партугальская

Ізабела Партугальская Isabel de Portugal
Партрэт Ізабелы Партугальскай працы Тыцыяна, 1548
імператрыца Свяшчэннай Рымскай імперыі
1530 — 1539
Папярэднік:	Б'янка Марыя Сфорца
Пераемнік:	Марыя Іспанская
каралева-кансорт Кастыліі і Леона
1526 — 1539
Папярэднік:	Філіп I Прыгожы
Пераемнік:	Марыя I
каралева-кансорт Арагона, Маёркі, Валенсіі, Неапаля і Сіцыліі
1526 — 1539
Папярэднік:	Жэрмена дэ Фуа
Пераемнік:	Марыя I
Нараджэнне:	24 кастрычніка 1503(1503-10-24) Лісабон, Партугалія
Смерць:	1 мая 1539(1539-05-01) (35 гадоў) Таледа, Іспанія
Дынастыя:	Авіская дынастыя, Габсбургі
Бацька:	Мануэл I
Маці:	Марыя Арагонская
Муж:	Карл V Габсбург
Дзеці:	Філіп, Марыя, Фердынанд, Хуана, Хуан

Інфанта Ізабела Партугальская (парт.: D. Isabel; 24 кастрычніка 1503, Лісабон — 1 мая 1539, Таледа) — была дачкой караля Партугаліі Мануэла I і Марыі Арагонскай. У сваім шлюбе з імператарам Карлам V яна была імператрыцай Свяшчэннай Рымскай Імперыі і каралевай-кансортам Кастыліі і Арагона.

Амаль адразу па ўзыходжанні Жуана III, брата Ізабелы, на каралеўскі трон Партугаліі ў 1521 годзе, пачаліся перамовы паміж партугальскім і іспанскім каралеўскімі дварамі, мэтай якіх быў шлюб паміж Ізабелай і Карлам, які адначасова спалучаў троны Свяшчэннай Рымскай Імперыі і каралеўств Кастыліі і Арагона.

У выніку Ізабела і Карл завочна пабраліся шлюбам у 1525 годзе. Пасля цырымоніі Інфанта накіравалася ў Іспанію, дзе яна пабралася сапраўдным шлюбам з Карлам у Севільі 10 сакавіка 1526 года. Нягледзячы на тое, што іх вяселле сталася вынікам палітычных манеўраў, іх саюз спраўдзіўся як саюз кахання. Нататкі светкаў распавядаюць, што «калі яны (Карл і Ізабела) разам, яны не заўважаюць нікога, нават калі навокал шмат людзей — яны смяюцца і размаўляюць, і нішто не можа іх патурбаваць».

Ізабела таксама спрадзілася як вельмі кампетэнтны кансорт. Яна была рэгентам Іспаніі падчас адсутнасці свайго мужа ў 1529—1532 гг. і 1535—1539 гг. Яна была ўслаўлёная сычаснікамі за сваю прыгажосць і розум.

Ізабела памерла заўчасна ў 1539 годзе пасля родаў. У гэты час імператар быў у ад'ездзе. Яе заўчасная смерць зрабіла на яго вялікі ўплыў - ён ніколі ізноў не ажаніўся і апранаўся ў чорнае ўсё сваё астатняе жыццё.

Дзеці

• Філіп II (21 мая 1527 — 13 верасня 1598)
• Марыя (21 чэрвеня 1528 — 26 лютага 1603) — з 1548 жонка імператара Максіміліяна II.
• Фердынанд (1530)
• Хуана (26 чэрвеня 1537 — 7 верасня 1573) — з 1552 жонка Жуана Мануэля, інфанта Партугаліі
• Хуан (20 красавіка 1539 — 20 красавіка 1539)

Гл. таксама

• Святая Ізабела Партугальская, продак папярэдняй.