Група армій «Паўднёвая Украіна»
Група армій «Паўднёвая Украіна» (ням.: Heeresgruppe Sudukraine) — аператыўна-стратэгічнае аб'яднанне ва ўзброеных сілах Германіі падчас Другой сусветнай вайны. Група армій дзейнічала ў 1944 г. у Паўднёвай Украіне, у Малдове і Румыніі. У склад групы армій уваходзілі таксама румынскія, венгерскія і славацкія войскі.
Баявыя дзеянні[правіць | правіць зыходнік]
Група армій «Паўднёвая Украіна» была створана 31 сакавіка 1944 г. з армій Груп армій «Поўдзень» і «A». У яе ўвайшлі армейская група «Вехлер» (8-я нямецкая армія, 4-я румынская армія і 17-ы нямецкі асобны армейскі корпус), размешчаная ў Паўночнай Малдове, армейская група «Думітрэску» (6-я нямецкая армія і 3-я румынская армія), размешчаная ў Бесарабіі і 17-я нямецкая армія, якая знаходзілася ў Крыму. У задачу групы армій уваходзіла абарона балканскага кірунку ад савецкіх войскаў і перашкода іх выйсцю ў Румынію. 17-й арміі абаранялася ў Крыму.
8 красавіка 1944 г. войскі савецкага 4-га Украінскага фронта перайшлі ў наступ у Крыму. Пасля месячных разлютаваных баёў да 12 мая Крым быў канчаткова заняты савецкімі войскамі. 17-я армія была разгромлена, яе рэшткі рэарганізаваны і 25 ліпеня армія была перададзена Групе армій «Паўночная Украіна».
20 жніўня савецкія войскі 2-га і 3-га Украінскіх франтоў перайшлі ў наступ у Малдове. Група армій «Паўднёвая Украіна» не змагла стрымаць імклівы наступ савецкіх войскаў і да 24 жніўня значная частка яе сіл апынулася ў акружэнні. Астатнія войскі групы армій адышлі ў Румынію, аднак ім не атрымалася стварыць там магутнага фронта абароны. 23 жніўня ў Румыніі адбыўся дзяржаўны пераварот, у выніку чаго румынскія часткі склалі зброю. 5 верасня рэшткі нямецкіх войскаў разам з венгерскімі войскамі паспрабавалі перайсці ў контрнаступленне ў Паўночнай Трансільваніі, аднак былі разгромлены. 23 верасня група армій была расфармавана, яе войскі перададзены зноў створанай Групе армій «Поўдзень».
Камандуючыя[правіць | правіць зыходнік]
- генерал-фельдмаршал (ням.: Generalfeldmarschall) Фердынанд Шорнер (31 сакавіка — 25 ліпеня 1944)
- генерал-палкоўнік (ням.: Generaloberst) Яганес Фрыснер (25 ліпеня — 23 верасня 1944)
Склад групы армій[правіць | правіць зыходнік]
- 6-я армія (31 сакавіка — 23 верасня 1944)
- 8-я армія (31 сакавіка — 23 верасня 1944)
- 17-я армія (31 сакавіка — 25 ліпеня 1944)
- 3-я армія (Румынія) (31 сакавіка — 24 жніўня 1944)
- 4-я армія (Румынія) (31 сакавіка — 24 жніўня 1944)
- 2-я армія, Венгрыя (5 верасня — 23 верасня 1944)
- 3-я армія, Венгрыя (5 верасня — 23 верасня 1944)
- 17-ы асобны армейскі корпус (31 сакавіка — 23 верасня 1944)