Рыгор Філатавіч Фамічоў

Рыгор Філатавіч Фамічоў
Рыгор Філатавіч Фамічоў
	лістапад 1972 — 24 студзеня 1978
Кіраўнік урада	Ціхан Кісялёў
Папярэднік	Мікалай Малочка
Пераемнік	Сяргей Кабяк
	студзень 1968 — кастрычнік 1972
Папярэднік	Іван Мікуловіч
Пераемнік	Сяргей Кабяк
Нараджэнне	10 студзеня 1925; в. Рунцава Навасільскага раёна Арлоўскай вобласці
Смерць	24 студзеня 1978 (53 гады); Гродна, Гродзенская вобласць, БССР, СССР;
Партыя	УКП(б) (з 1945)
Адукацыя	Вышэйшая партыйная школа пры ЦК КПСС (1958)
Род войскаў	Савецкі партызанскі рух у Беларусі
Бітвы	Вялікая Айчынная вайна;
Узнагароды

Рыго́р Філа́тавіч Фамічо́ў (10 студзеня 1925, в. Рунцава Навасільскага раёна Арлоўскай вобласці, РСФСР — 24 студзеня 1978, г. Гродна, Беларуская ССР) — савецкі партыйны і дзяржаўны дзеяч, старшыня Гродзенскага аблвыканкама (1972—1978).

Біяграфія[правіць | правіць зыходнік]

Падчас Айчыннай вайны з ліпеня 1942 года быў у партызанах: радавы, камандзір аддзялення партызанскага атрада імя М. Ф. Гастэлы, 121-й брыгады імя А. Ф. Браціна Мінскай вобласці, затым — у брыгадзе імя У. І. Чапаева Баранавіцкай вобласці, намеснік камандзіра партызанскай брыгады па камсамоле, упаўнаважаны ЦК ЛКСМБ. З сакавіка 1943 — інструктар, з красавіка 1943 — член Баранавіцкага падпольнага абкама ЛКСМБ, з сакавіка 1944 года — сакратар Навагрудскага падпольнага райкама ЛКСМБ.

З 1944 года — на камсамольскай рабоце ў Гродзенскай і Баранавіцкай абласцях.

У 1958—1960 гадах — першы сакратар Поразаўскага райкама, у 1961—1968 гадах — Лідскага гаркама КПБ. У 1968—1972 гадах — загадчык аддзела, другі сакратар Гродзенскага абкама КПБ. З 1972 года і да самай сваёй смерці быў на пасадзе старшыня Гродзенскага аблвыканкама.

Ушанаванне памяці[правіць | правіць зыходнік]

У горадзе Гродна адна з вуліц носіць імя Рыгора Фамічова. Таксама ў яго гонар названа адна з вуліц Ліды.

Спасылкі[правіць | правіць зыходнік]

Председатели Гродненского облисполкома

Старшыні Гродзенскага абласнога выканаўчага камітэта
БССР	Пётр Ратайка (1944—1948) • Фёдар Ляхаў (1948—1950) • Іпаліт Канановіч (1950—1961) • Мікалай Малочка (1961—1972) • Васіль Доркін (1963—1964, прам.) • Рыгор Фамічоў (1972—1978) • Сяргей Кабяк (1978—1983) • Дзмітрый Арцыменя (1983—1993)
Рэспубліка Беларусь	Дзмітрый Арцыменя (1983—1993) • Сямён Домаш (1993—1994) • Аляксандр Дубко (1994—2001) • Уладзімір Саўчанка (2001—2010) • Сямён Шапіра (2010—2013) • Уладзімір Краўцоў (2013—2020) • Уладзімір Каранік (з 2020)