Серафін Міхалеўскі

Серафін Міхалеўскі
Серафін Міхалеўскі
Дата нараджэння	18 мая 1923
Месца нараджэння	Брэст, Палескае ваяводства, Польская Рэспубліка;
Дата смерці	15 студзеня 2006 (82 гады)
Месца смерці	Варшава, Мазавецкае ваяводства, Польшча;
Грамадзянства	Польшча;
Род дзейнасці	філолаг, філосаф, рэлігіязнавец, пісьменнік, паэт, перакладчык, архівіст, бібліятэкар
Навуковая сфера	філалогія, English studies[d], філасофія, рэлігія, Ёга, творчае і прафесійнае пісьмо[d], перакладніцтва[d], архівазнаўства[d] і бібліятэказнаўства[d]
Альма-матар	Гімназія імя Адама Міцкевіча[d] (1939); Новасібірскі дзяржаўны педагагічны ўніверсітэт;

Серафі́н Ко́рчак-Міхале́ўскі (польск.: Serafin Korczak-Michalewski; 18 мая 1923, Брэст-над-Бугам — 15 студзеня 2006, Варшава) — беларускі^[2] і польскі філосаф, філолаг, паэт.

Біяграфія[правіць | правіць зыходнік]

Нарадзіўся ў сям’і прадстаўнікоў старога шляхецкага роду. Дзяцінства правёў у вёсцы Росахі (цяпер Пружанскі раён). Скончыў у 1939 годзе польскую гімназію імя Адама Міцкевіча, а ў 1941 годзе — беларускую сярэднюю школу № 1 у Пружанах.

У 1941 сям’я вывезеная ў Сібір, дзе Серафін паступіў у Новасібірскі педагагічны інстытут, займаўся германскімі мовамі. З 1943 — на службе ў Войску Польскім, скончыў афіцэрскую артылерыйскую школу ў Кастраме. Камандаваў батарэяй у складзе 3-га Берлінскага палка (польск.) (бел. I дывізіі пяхоты імя Тадэвуша Касцюшкі (польск.) (бел.. Удзельнічаў у вызваленні Варшавы, баях пад Берлінам. Тройчы быў паранены, стаў інвалідам. Узнагароджаны ордэнам Віртуці Мілітары^[3], медалямі^[4].

Пасля вайны навучаўся ва ўніверсітэтах Лодзі, Уроцлава, Варшавы. Атрымаў дыпломы магістра па філасофіі і англійскай філалогіі. Працаваў навуковым супрацоўнікам у Нацыянальнай бібліятэцы ў Варшаве, у Інстытуце матэматычных лічбавых машын, у бібліятэцы Акадэміі навук, у рэдакцыі футуралогіі.

Рукапакладзены ў дыяканы^[5], парафіянін варшаўскае праваслаўнае царквы Св. Яна Клімака (польск.) (бел..

Дзейнасць[правіць | правіць зыходнік]

Займаўся навукова-даследчай дзейнасцю ў галіне філасофіі, рэлігіі, філалогіі.

Напісаў тэарэтычную працу «Уводзіны да трансцэндэнтальнай медытацыі» і каля дзесяці навуковых рэфератаў, прысвечаных рэлігійна-філасофскаму вучэнню старажытнай Індыі — ёзе. У Варшаўскім універсітэце наладзіў дзве першыя ў Еўропе выстаўкі, прысвечаныя вучэнню ёгі.

Яму належыць тлумачэнне дагмата пра Святую Тройцу і тэадыцэю, устанаўленне сапраўднага аблічча Багародзіцы і Збавіцеля. Серафін Міхалеўскі пераклаў на польскую мову праваслаўную імшу святога Яна Златавуснага.

Аўтар шматлікіх прац па лінгвістыцы. Склаў два санскрыцка-польскія слоўнікі, селектыўную біяграфію па 900 мовах (слоўнікі і граматыкі), бібліяграфію караімскіх кніг. Распрацаваў праект рэформы кітайскага іерагліфічнага пісьма. Афіцыйна засведчанае яго валоданне 17 мовамі^[4].

Выдаў некалькі зборнікаў уласных афарызмаў на польскай мове. Болей, аднак, вядомы ў Польшчы як паэт. Уваходзіў у Міжнароднае таварыства паэтаў (англ.: International Society of Poets). Паэтычныя творы друкаваліся на англійскай, беларускай, польскай мовах у перыядычных выданнях Варшавы, штотыднёвіку беларусаў Польшчы «Ніва», самвыдаце («Бельскі гостінець»^[6], «Białowieżanin»^[7]) і на радзіме паэта, у пружанскай газеце «Раённыя будні». У Музеі славутых паэтаў (англ.: The International Poetry Hall of Fame) адна з экспазіцый прысвечаная Серафіну Міхалеўскаму.

Сям’я[правіць | правіць зыходнік]

Меў брата Ежы (? — 1989, Польшча) і сястру Варвару (жыла і памерла ў Пружанах)^[8].

Зноскі

↑ ^а ^б ^в ^г ^д ^е ^ё ^ж ^з Czech National Authority Database Праверана 7 лістапада 2022.
<a href="https://wikidata.org/wiki/Track:Q13550863"></a>
↑ Корчак-Міхалеўскі, Серафін (нар. 1923) (нявызн.). Сводный электронный каталог. Нацыянальная бібліятэка Беларусі. Праверана 17 красавіка 2012.
↑ Polish Order of the Virtuti Militari Recipients 1792-1992 - M2 (англ.). Poland Genealogy Resources. The Federation of East European Family History Societies. Праверана 21 красавіка 2012.
↑ ^а ^б Ірына Тамільчык.. Міхалеўскі Серафін (Корчак-) (нявызн.). Беларусы ў свеце. Кантакты і дыялогі. Праверана 17 красавіка 2012.(недаступная спасылка)
↑ Ślub Nowosielskiego (польск.). Don’t Shoot the Prophet (16 сакавіка 2011). Праверана 21 красавіка 2012.
↑ Materiał dostępny za lata 1988-2000 (польск.). Polska Biblioteka Literacka. Праверана 17 красавіка 2012.
↑ Białowieżanin (pismo, Białowieża) (польск.). Encyklopedia Puszczy Białowieskiej. Праверана 17 красавіка 2012.
↑ Ірына Сядова. «Польскія» Пружаны // Раённыя будні. — 19 чэрвеня 1993. — № 47 (7084). — С. 3.

Спасылкі[правіць | правіць зыходнік]

Беларусы ў свеце(недаступная спасылка)
Цытаты Серафіна Корчак-Міхалеўскага

[_033495c6053bf66f-1] а ^б ^в ^г ^д ^е ^ё ^ж ^з Czech National Authority Database Праверана 7 лістапада 2022.
<a href="https://wikidata.org/wiki/Track:Q13550863"></a>

[2] Корчак-Міхалеўскі, Серафін (нар. 1923) (нявызн.). Сводный электронный каталог. Нацыянальная бібліятэка Беларусі. Праверана 17 красавіка 2012.

[3] Polish Order of the Virtuti Militari Recipients 1792-1992 - M2 (англ.). Poland Genealogy Resources. The Federation of East European Family History Societies. Праверана 21 красавіка 2012.

[tamilczyk-4] а ^б Ірына Тамільчык.. Міхалеўскі Серафін (Корчак-) (нявызн.). Беларусы ў свеце. Кантакты і дыялогі. Праверана 17 красавіка 2012.(недаступная спасылка)

[5] Ślub Nowosielskiego (польск.). Don’t Shoot the Prophet (16 сакавіка 2011). Праверана 21 красавіка 2012.

[6] Materiał dostępny za lata 1988-2000 (польск.). Polska Biblioteka Literacka. Праверана 17 красавіка 2012.

[7] Białowieżanin (pismo, Białowieża) (польск.). Encyklopedia Puszczy Białowieskiej. Праверана 17 красавіка 2012.

[8] Ірына Сядова. «Польскія» Пружаны // Раённыя будні. — 19 чэрвеня 1993. — № 47 (7084). — С. 3.

[1]

[2]

[3]

[4]

[5]

[6]

[7]

[8]