Тромсё

Тромсё
Герб	Сцяг
Краіна	Нарвегія;
Каардынаты	69°38′59″ пн. ш. 18°57′25″ у. д.HGЯO
Кіраўнік	Гунар Вільхельмсен[d]
Заснаваны	XIII стагоддзе
Плошча	2 521,27 км² (1 студзеня 2020);
Вышыня цэнтра	20 м
Насельніцтва	▲77 992 чал. (1 студзеня 2023);
Часавы пояс	UTC+1
Афіцыйны сайт	tromso.kommune.no (нарв.)
	Медыяфайлы на Вікісховішчы

Тромсё, Трумсё (нарв.: Tromsø, пн.-саамск.: Romsa) — горад і муніцыпалітэт у Нарвегіі, адміністрацыйны цэнтр фюльке Тромс.

Муніцыпалітэт Тромсё займае вялікую тэрыторыю за межамі горада. Тромсё — восьмы па колькасці жыхароў горад Нарвегіі. Цэнтр горада знаходзіцца на невялічкім востраве, амаль на 400 км на поўнач ад палярнага круга. Тут знаходзяцца самыя паўночныя ў свеце ўніверсітэт (Універсітэт Тромсё), батанічны сад, бровар і планетарый.

Гісторыя

Паселішчы на месцы Тромсё існавалі з часоў эпохі апошняга зледзянення і ў жалезным веку. Першая царква ў Тромсё была пабудавана ў 1252 годзе. Статус горада Тромсё атрымаў у 1794 годзе. У XIX стагоддзі значэнне горада ўзрастае з заснаваннем кафедры біскупа (1834), адкрыццём педагагічнага каледжа (1848) і суднарамонтнай верфі (1872). Падчас Другой сусветнай вайны ў горадзе часова знаходзіўся Урад Нарвегіі. Тромсё не пацярпеў ад вайны, хоць непадалёк ад горада быў затоплены нямецкі лінкар Tirpitz, на якім загінулі амаль 1000 нямецкіх салдат. У 1964 годзе адкрыўся аэрапорт, у 1972 годзе — універсітэт.