Турынскі ўніверсітэт

Турынскі ўніверсітэт
UNITO
Заснаваны:	1404
Тып:	дзяржаўны
Студэнты:	67 000
http://www.unito.it

Турынскі ўніверсітэт (іт. Università degli Studi di Torino) — вышэйшая навучальная ўстанова, знаходзіцца ў Турыне. Адзін з найбуйнейшых універсітэтаў Італіі.

Універсітэт быў заснаваны у 1404 годзе па ініцыятыве савойскіх графаў; зацвердзіў стварэнне універсітэта "Авіньёнскага папа" Бенедыкт XIII. З-за палітычнай нестабільнасці універсітэт некаторы час працаваў у К'ер (1427-34) і Савільяна (1434-36). У сярэдзіне XVI стагоддзя універсітэт часова не працаваў з-за французскай акупацыі. У 1799-1800 гадах універсітэт быў рэарганізаваны па французскім узоры, а неўзабаве рэктар стаў прызначацца Напалеонам, у гэты час універсітэт быў другім па велічыні ў імперыі Напалеона. Пасля вяртання да ўлады Савойскай дынастыі французскія новаўвядзенні былі адмененыя. Пасля пераносу сталіцы аб'яднанай Італіі з Турына ў Фларэнцыю ў 1865 годзе ўніверсітэт пакінула частка прафесуры. У другой палове XIX стагоддзя ў універсітэце склалася моцная школа медыцыны; прафесары ўніверсітэта зрабілі шмат для прапаганды гігіены і развіцця грамадскай аховы здароўя ў Італіі. У 1905 годзе ў універсітэце была адкрыта першая ў Італіі кафедра псіхалогіі.

Універсітэт ўключае 12 факультэтаў:

• Аграрны
• Ветэрынарны
• Замежных моў і літаратур
• Гуманітарных навук
• Матэматыкі, фізікі і прыродазнаўчых навук
• Медыцынскі
• Педагагічны
• Паліталогіі
• Псіхалогіі
• Фармацэўтычны
• Юрыдычны
• Эканамічны

Універсітэт таксама мае некалькі філіялаў у паўночна-заходняй частцы Італіі.

Выбітныя выпускнікі і выкладчыкі

• Рыта Леві-Мантальчыні
• Чэзарэ Ламброза
• Джавані Вірджыніа Скіяпарэлі
• Умбэрта Эка

Гл. таксама

• Турынская нацыянальная ўніверсітэцкая бібліятэка