Анатоль Міхайлавіч Генералаў

Анатоль Міхайлавіч Генералаў
руск.: Анатолий Михайлович Генералов
Дата нараджэння	31 студзеня 1923(1923-01-31)
Месца нараджэння	станіца Пацёмкінская, Кацельнікаўскі раён, Валгаградская вобласць
Дата смерці	8 ліпеня 2007(2007-07-08) (84 гады)
Грамадзянства	СССР  Беларусь
Адукацыя	Расійская акадэмія музыкі імя Гнесіных[d] (1954)
Прафесія	спявак
Гады актыўнасці	1954-
Амплуа	барытон
Тэатр	Дзяржаўны акадэмічны Вялікі тэатр оперы і балета БССР Беларуская дзяржаўная акадэмія музыкі
Ролі	гл. у тэксце
Узнагароды	Народны артыст БССР

Анатоль Міхайлавіч Генералаў (31 студзеня 1923, станіца Пацёмкінская, Кацельнікаўскі раён, Валгаградская вобласць — 8 ліпеня 2007, Мінск) — беларускі артыст оперы (барытон). Народны артыст БССР (1963).

Біяграфія

Скончыў Музычна-педагагічны інстытут імя Гнесіных у Маскве ў 1954 (клас Генадзя Адэна). У 1954—1981 саліст Дзяржаўнага тэатра оперы і балета БССР. У 1976—2007 выкладаў у Беларускай кансерваторыі.

Творчасць

Валодаў моцным прыгожым мяккага тэмбру драматычным барытонам, натуральнасцю сцэнічнай выразнасці, яркім тэмпераментам. Стварыў яркія вобразы ў операх — Князь Ігар («Князь Ігар» А. Барадзіна), Рыгалета і Аманасра («Рыгалета» і «Аіда» Д. Вердзі), Змітрок і Апанас («Міхась Падгорны» і «Алеся» Я. Цікоцкага), Сцяпан («Яснае світанне» А. Туранкова), Дзяніс Давыдаў («Надзея Дурава» А. Багатырова), Чалхія («Міндзія» А. Тактакішвілі), Альфіа («Сельскі гонар» П. Масканьі) і інш. Выканаўца ролі У. І. Леніна на беларускай опернай сцэне («Кастрычнік» В. Мурадэлі, «У буру» Ц. Хрэннікава).

Узнагароды

Узнагароджаны Ордэнам Айчыннай вайны, медалямі.