Міхаіл Яўгенавіч Цікоцкі
Міхаіл Яўгенавіч Цікоцкі | |
---|---|
Дата нараджэння | 20 лютага 1922 |
Месца нараджэння | |
Дата смерці | 24 сакавіка 2012 (90 гадоў) |
Месца смерці | |
Месца пахавання | |
Грамадзянства | |
Бацька | Яўген Карлавіч Цікоцкі |
Род дзейнасці | мовазнавец, журналіст |
Навуковая сфера | мовазнаўства |
Месца працы | |
Альма-матар | |
Вядомы як | адзін з заснавальнікаў школы беларускай стылістыкі |
Узнагароды |
Міхаіл Яўгенавіч Цікоцкі (20 лютага 1922, Бабруйск — 24 сакавіка 2012) - беларускі мовазнавец і журналіст.
Біяграфія
Нарадзіўся ў сям'і вядомага кампазітара Я. К. Цікоцкага. У 1933 г. сям'я пераехала з Бабруйска ў Мінск, дзе Міхаіл скончыў сярэднюю школу. У час Вялікай Айчыннай вайны ваяваў на 1-м, 2-м i 3-м Беларускіх франтах. Летам 1944 г. пад Кобрынам быў паранены. Пасля дэмабілізацыі ў 1946 г. М. Я. Цікоцкі паступіў на факультэт журналістыкі БДУ, які скончыў у 1950 г. Працаваў журналістам у рэдакцыях газет «Савецкі селянін» і «Калгасная праўда», часопісе «Вожык». Адначасова вучыўся ў завочнай аспірантуры пры кафедры тэорыі і практыкі савецкай журналістыкі, праз 3 гады абараніў кандыдацкую дысертацыю на тэму «Публіцыстыка Якуба Коласа». З 1953 г. М. Я. Цікоцкі працаваў на факультэце журналістыкі БДУ. У 1972 г. абараніў доктарскую дысертацыю на тэму «Праблемы публіцыстычнага стылю», праз год атрымаў вучонае званне прафесара.
Навукаовая дзейнасць
Асноўны навуковы кірунак М. Я. Цікоцкага — стылістыка. Заснавальнік беларускай стылістыкі, аўтар прац па вывучэнні мовы літаратурных класікаў — Я. Коласа, Я. Купалы, К. Чорнага, М. Лужаніна, У. Караткевіча, І. Мележа і інш. Паклаў пачатак стылістыцы публіцыстычных жанраў — аўтар працы «Стылістыка публіцыстычных жанраў», якая застаецца адзінай у сваім родзе.
Узнагароды
Узнагароджаны двума медалямі «За адвагу», ордэнам Айчыннай вайны I ступені.
Зноскі
Літаратура
- Іўчанкаў В. Жыццём і словам прысягаючы… // Народная газета. 2007, 2 лют.
Спасылкі
- Нарадзіліся 20 лютага
- Нарадзіліся ў 1922 годзе
- Нарадзіліся ў Бабруйску
- Памерлі 24 сакавіка
- Памерлі ў 2012 годзе
- Памерлі ў Мінску
- Пахаваныя на Усходніх могілках Мінска
- Выкладчыкі БДУ
- Выпускнікі Інстытута журналістыкі БДУ
- Кавалеры ордэна Айчыннай вайны I ступені
- Узнагароджаныя медалём «За адвагу»
- Асобы
- Вучоныя паводле алфавіта
- Постаці беларускага мовазнаўства
- Журналісты Беларусі