Іван Канстанцінавіч Тарба

Іван Канстанцінавіч Тарба
Асабістыя звесткі
Дата нараджэння	21 сакавіка 1921(1921-03-21)
Месца нараджэння	Beslakhuba[d], Ачамчырскі раён, Абхазская АССР[d], Грузінская ССР
Дата смерці	21 студзеня 1994(1994-01-21) (72 гады)
Месца смерці	Сухумі, Аўтаномная Рэспубліка Абхазія, Грузія
Грамадзянства	СССР
Жонка	Eteri Kogoniya[d]
Альма-матар	Сухумскі дзяржаўны педагагічны інстытут імя А. М. Горкага (1947)
Прафесійная дзейнасць
Род дзейнасці	пісьменнік, паэт
Гады творчасці	з 1937
Жанр	паэзія і проза
Мова твораў	абхазская мова
Грамадская дзейнасць
Партыя	УКП(б)
Член у	Саюз пісьменнікаў СССР
Узнагароды
Медыяфайлы на Вікісховішчы

Іван Канстанцінавіч Та́рба (21 сакавіка 1921 — 21 студзеня 1994) — абхазскі пісьменнік, паэт.

Біяграфія

Нарадзіўся ў сяле Беслахуба (сучаснае Беслаху, Ачамчырскі раён Рэспублікі Абхазія). Вучыўся ў Беслахубскай пачатковай школе і Ачамчырскай сярэдняй школе-інтэрнаце. У 1930-х гадах пачаў журналісцкую дзейнасць, працаваў у рэдакцыях газет. У 1940 годзе ўступіў у КПСС. У 1947 годзе скончыў аддзяленне рускай мовы і літаратуры філалагічнага факультэта Сухумскага дзяржаўнага педагагічнага інстытута. Некаторы час працаваў у рэдакцыі газеты «Апсны капш» («Чырвоная Абхазія»). У 1948—1953, 1958—1979 гадах займаў пасаду старшыні Саюза пісьменнікаў Абхазіі (абхазскае аддзяленне Саюза пісьменнікаў СССР). У 1954—1958 гадах — сакратар Абхазскага абласнога камітэта Камуністычнай партыі Грузіі. У 1954 годзе абраны дэпутатам Вярхоўнага Савета СССР. З 1979 года І. К. Тарба на пасадзе сакратара Абхазскага абласнога савета прафсаюзаў. Абіраўся дэпутатам Вярхоўнага Савета Абхазскай АССР.

Памёр І. К. Тарба 21 студзеня 1994 года ў горадзе Сухумі. Пахаваны ў Пантэоне пісьменнікаў і грамадскіх дзеячаў Абхазіі.

Творчасць

Друкавацца І. К. Тарба пачаў у 1937 годзе. Аўтар вершаў, паэм і раманаў. Яго творы на абхазскай і ў перакладзе на рускую і грузінскую мовы публікаваліся ў часопісах: «Алашара» («Святло»), «Амцабз» («Полымя»), «Акуа-Сухум»; газетах: «Апсны капш», «Ецваджаа» («Сузор’е»), «Сабчота Абхазеці» («Савецкая Абхазія») і іншых выданнях.

Па сцэнарыю І. Тарбы быў зняты першы абхазскі фільм «Хто асядлае каня».

Літаратура

• Та́рба Іван Канстанцінавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 439. — 10 000 экз. — ISBN 985-11-0035-8. — ISBN 985-11-0251-2 (т. 15).
• Та́рба Иван Константинович // Т. 25. Струнино — Тихорецк. — М. : Советская энциклопедия, 1976. — С. 275. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Та́рба Іван // Шевченківська енциклопедія: В 6 т. — К.: НАН України, Ін-т л-ри ім. Т. Г. Шевченка, 2015. — Т. 6: Т-Я. — С. 36. — 1120 с. : |802| іл. — кольор. вклейка. — ISBN 978-966-02-6420-5, ISBN 978-966-02-6976-7 (т. 6). (укр.)

Спасылкі

• Тарба Иван Константинович (руск.) // Афіцыйны сайт саюза пісьменнікаў Рэспублікі Абхазія
• «Люблю, как сын, Абхазию мою…» К столетию со дня рождения Ивана Тарбы // Сайт движения «Русский Лад» (руск.)
• Тарба Иван Константинович // Федеральное казённое учреждение «Российский государственный архив литературы и искусства» (РГАЛИ) (руск.)
• «Слово, как меч, будь прямым»: к 100-летию Ивана Тарбы // Портал национальных литератур (руск.)