Іван Фірсавіч Несцераў

Іван Фірсавіч Несцераў
Іван Фірсавіч Несцераў
Дата нараджэння	7 ліпеня 1904
Месца нараджэння	вёска Таўкачы, Шклоўскі раён, Магілёўская вобласць
Дата смерці	24 снежня 1989 (85 гадоў)
Месца смерці	Белая Царква, Кіеўская вобласць, Украіна
Грамадзянства	СССР;
Прыналежнасць	СССР
Род войскаў	пяхота
Гады службы	1939—1940, 1941—1945
Званне	гвардыі старшы лейтэнант
Бітвы/войны	Паход Чырвонай Арміі ў Заходнюю Беларусь і Украіну, 1939, Вялікая Айчынная вайна

Іван Фірсавіч Несцераў (7 ліпеня 1904 — 24 снежня 1989) — удзельнік Вялікай Айчыннай вайны, гвардыі старшы лейтэнант. Герой Савецкага Саюза (1945).

Біяграфія[правіць | правіць зыходнік]

І. Ф. Несцераў нарадзіўся ў вёсцы Таўкачы (зараз у Шклоўскім раёне Магілёўскай вобласці Беларусі). З 1924 г. на камсамольскай рабоце ў Таўкачах. Вучыўся ў Маскоўскай горнай акадэміі. У 1939—1940 гг. праходзіў службу ў Чырвонай Арміі. З пачаткам Вялікай Айчыннай вайны зноў прызваны на службу. З чэрвеня 1941 года на Паўднёва-Заходнім, Сталінградскім, Данскім, 2-м і 3-м Украінскіх франтах.

Намеснік камандзіра батальёна па палітычнай частцы 311-га гвардзейскага стралковага Ізмаільскага Чырванасцяжнага палка 108-й гвардзейскай стралковай Мікалаеўскай Чырванасцяжнай дывізіі (46-я армія, 2-і Украінскі фронт) капітан^[1] І. Ф. Несцераў вызначыўся пры фарсіраванні ракі Дунай ў ходзе Будапешцкай наступальнай аперацыі ў раёне населенага пункта Эрчы на тэрыторыі Венгрыі.

Пасля вайны І. Ф. Несцераў у запасе. Жыў у горадзе Александрыя (Кіраваградская вобласць Украіны), потым у горадзе Белая Царква Кіеўскай вобласці. Памёр у 1989 годзе.

Узнагароды[правіць | правіць зыходнік]

Медаль «Залатая Зорка»
Ордэн Леніна
Ордэн Айчыннай вайны 1-й ступені
Ордэн Айчыннай вайны 2-й ступені
Ордэн Чырвонай Зоркі
медалі.

Памяць[правіць | правіць зыходнік]

Партрэт і імя І. Ф. Несцерава на мемарыяльнай пліце Алеі Герояў у горадзе Шклоў.

Зноскі

↑ Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 298.

Літаратура[правіць | правіць зыходнік]

Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11). — С. 298.

Спасылкі[правіць | правіць зыходнік]

Іван Фірсавіч Несцераў на сайце «Героі краіны»

[bel11-1] Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 298.

[1]