Іван Юр’евіч Макей

Іван Юр’евіч Макей
Род дзейнасці	казачнік
Дата нараджэння	1882
Месца нараджэння	Дзярэчын, Слонімскі павет, Гродзенская губерня, Літоўскае генерал-губернатарства, Расійская імперыя
Дата смерці	7 ліпеня 1955(1955-07-07)
Месца смерці	Алексічы, Дзярэчынскі сельсавет, Зэльвенскі раён, Гродзенская вобласць, БССР, СССР
Грамадзянства	Расійская імперыя  Польская Рэспубліка  БССР

Іван Юр'евіч Маке́й (1882, в. Дзярэчын, Зэльвенскі раён, Гродзенская вобласць — 7 ліпеня 1955) — беларускі народны казачнік.

Біяграфія

Парабкаваў, працаваў у Беластоку на тэкстыльных фабрыках, у пякарні. З 1904 года жыў у в. Алексічы каля Зэльвы. Там у 1946 годзе ўдзельнікі фальклорнай экспедыцыі БДУ пад кіраўніцтвам Л. Р. Барага запісалі ад яго каля 30 казак.

Творчасць

Макей «разыгрываў» казку ў асобах, па майстэрску перадаваў інтанацыі, міміку, рухі і паходку персанажаў, надаваў казкам асаблівую сюжэтную напружанасць, арыгінальна спалучаў камічныя і драматычныя сюжэты. Адна з лепшых чарадзейных казак рэпертуару Макея «Кіёчак» апублікавана ў зборніку «Чарадзейныя казкі» (ч. І, 1973) і ў перакладзе на нямецкую мову ў зборніку «Беларускія народныя казкі» (10-е выданне, Берлін, 1980).

Літаратура

• Макей Іван Юр'евіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).
• Барат Л. Р. Беларуская казка. — Мн., 1969. — С. 242—243.