Ігар Валянцінавіч Семчанка

Ігар Валянцінавіч Семчанка
Дата нараджэння	21 ліпеня 1959(1959-07-21) (65 гадоў)
Месца нараджэння	Гомель, Гомельская вобласць, БССР, СССР
Грамадзянства	СССР  Беларусь
Род дзейнасці	навуковец
Навуковая сфера	фізіка
Месца працы	Гомельскі дзяржаўны ўніверсітэт імя Францыска Скарыны
Навуковая ступень	доктар фізіка-матэматычных навук (1997)
Навуковае званне	прафесар член-карэспандэнт НАН Беларусі (2021)
Альма-матар	фізічны факультэт ГДУ імя Францыска Скарыны[d] (1981)
Узнагароды

Ігар Валянцінавіч Се́мчанка (нар. 21 ліпеня 1959, Гомель) — беларускі вучоны-фізік, доктар фізіка-матэматычных навук (1997), прафесар (1999), член-карэспандэнт Нацыянальнай акадэміі навук Беларусі (2021).

Біяграфія

Нарадзіўся 21 ліпеня 1959 года ў Гомелі.

Скончыў з адзнакай фізічны факультэт Гомельскага дзяржаўнага ўніверсітэта ў 1981 годзе па спецыяльнасці «Фізіка», аспірантуру ў 1984 годзе. З 1984 года — на пасадзе асістэнта кафедры агульнай фізікі, з 1985 года — дацэнт, у 1997—2004 гадах — загадчык кафедры. З 1989 па 1997 гады — дэкан фізічнага факультэта, з 2004 года — прарэктар Гомельскага дзяржаўнага ўніверсітэта імя Францыска Скарыны па вучэбнай рабоце. З 2022 — намеснiк генеральнага дырэктара па навуковай дзейнасці Дзяржаўнага навукова-вытворчага аб’яднання «Оптыка, оптаэлектроніка і лазерная тэхніка».

Навуковая і грамадская дзейнасць

Навуковыя працы па праблемах оптыкі штучных кампазіцыйных структур з асаблівымі ўласцівасцямі, оптыкі крышталёў, электрадынамікі метаматэрыялаў, нелінейнай оптыкі, акустаэлектронікі. Развіў тэорыю распаўсюджання і ўзаемадзеяння электрамагнітных і акустычных хваль у гіратропных асяроддзях з прасторавай і часавай перыядычнай структурай. Аўтар больш за 400 навуковых і навуковых прац, у тым ліку 4 манаграфій, 2 вучэбных дапаможнікаў, больш за 130 артыкулаў у часопісах, больш за 100 навукова-метадычных артыкулаў, 19 вучэбна-метадычных дапаможнікаў, 9 патэнтаў.

Член экспертнага савета Вышэйшай атэстацыйнай камісіі, член савета па абароне дысертацый па спецыяльнасцям «Оптыка» і «Тэарэтычная фізіка» Гомельскага дзяржаўнага ўніверсітэта (намеснік старшыні — з 2012 года), Беларускага фізічнага таварыства, рэдакцыйнай калегіі навукова-метадычнага часопіса «Фізіка: праблемы выкладання».

Узнагароды

• Абласная прэмія ў галіне навукі і тэхнікі (1985),
• Лаўрэат Скарынаўскіх чытанняў ГДУ (1988),
• Нагрудны знак «Выдатнік адукацыі» (2015),
• медаль «За працоўныя заслугі» (2020).

Літаратура

• Семчанка Ігар Валянцінавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 320. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Семчанка Ігар Валянцінавіч на сайце анлайн-энцыклапедыі «Беларусь у асобах і падзеях»
• Семчанка Ігар Валянцінавіч, доктар фізіка-матэматычных навук, фізіка на сайце анлайн-энцыклапедыі «Беларусь у асобах і падзеях»
• Семченко Игорь Валентинович Архівавана 9 студзеня 2020. (руск.) // Сайт ГДУ
• База патентов Беларуси (руск.)
• Банк патентов РФ на изобретения и промышленные образцы ФИПС Роспатента (руск.)