Ігар Усеваладавіч Чаквін

Ігар Усеваладавіч Чаквін
Дата нараджэння	20 жніўня 1954(1954-08-20)
Месца нараджэння	Мінск, БССР, СССР
Дата смерці	26 красавіка 2012(2012-04-26) (57 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	вучоны
Навуковая сфера	гісторыя, этналогія, этнаграфія, антрапалогія, фалькларыстыка, краязнаўства
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковая ступень	доктар гістарычных навук (1995)
Навуковае званне	дацэнт (2010)
Альма-матар	гістарычны факультэт БДУ
Навуковы кіраўнік	Васіль Кірылавіч Бандарчык
Вядомыя вучні	Сяргей Алегавіч Шыдлоўскі
Вядомы як	этнолаг, рэканструктар знешняга аблічча ўсходніх славян (крывічан, дрыгавічан, радзімічаў), збіральнік помнікаў матэрыяльнай і духоўнай культуры беларусаў
Узнагароды і прэміі	За духоўнае адраджэнне

Ігар Усеваладавіч Чаквін (20 жніўня 1954, Мінск — 26 красавіка 2012, Мінск) — беларускі гісторык, этнолаг, антраполаг. Доктар гістарычных навук (1995), дацэнт (2010). Лаўрэат прэміі Рэспублікі Беларусь «За духоўнае адраджэнне» 2008 года за ўдзел у напісанні дзесяцітомнага выдання «Беларусы».

Біяграфія

Скончыў Беларускі дзяржаўны ўніверсітэт (1977). З 1983 года працаваў старэйшым, а з 1996 года вядучым навуковым супрацоўнікам Інстытута мастацтвазнаўства, этнаграфіі і фальклору НАН Беларусі.

Дзейнасць

Даследаваў праблемы этнагенезу беларусаў, этнічную гісторыю беларусаў і іншых этнічных супольнасцей Беларусі эпохі феадалізму, этнасацыяльныя працэсы ў Беларусі. Адзін з аўтараў кніг «Праблемы сучаснай антралалогіі» (1983), «Этнаграфія беларусаў: гістарыяграфія, этнагенез, этнічная гісторыя» (1985), «Спадчына Скарыны» (1989), «Скарына і яго эпоха» (1990), «Сям'я і сямейны побыт беларусаў» (1990), «Грамадскі побыт і духоўная культура гарадскога насельніцтва Беларусі» (1990) і іншыя.

• 

  Ігар Усеваладавіч Чаквін выступае на нарадзе Інстытута мастацтвазнаўства, этнаграфіі і фальклору НАН Беларусі. Побач за сталом сядзіць Арсень Ліс. Горад Мінск, 2009 г.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн.: БелЭн, 2003. — Т. 17. — 512 с. — 10 000 экз. — ISBN 985-11-0035-8 (т. 17)
• Навагродскі, Т. Чаквін Ігар Усеваладавіч / Т. Навагродскі // Энцыклапедыя гісторыі Беларусі: У 6 т. — Т. 6. Кн. II : Усвея — Дадатак / гал. рэд. Г.П. Пашкоў [і інш.]; Маст. Э.Э. Жакевіч. — Мінск : БелЭн, 2003. — С. 133.

• На Вікісховішчы ёсць медыяфайлы па тэме Ігар Усеваладавіч Чаквін