Ілья Львовіч Курган

З пляцоўкі Вікіпедыя
Jump to navigation Jump to search
Ілья Львовіч Курган
Дата нараджэння: 26 мая 1926(1926-05-26)
Месца нараджэння:
Дата смерці: 21 жніўня 2019(2019-08-21) (93 гады)
Грамадзянства:
Дзеці: Уладзімір Ільіч Курган
Адукацыя:
Прафесія: акцёр
Узнагароды:

Ілья Львовіч Курган (сапр. Эйдэльман) (26 мая 1926, Барысаў, Мінскай вобласці — 21 жніўня 2019[1]) — беларускі акцёр, дыктар радыё, тэатральны педагог. Заслужаны артыст Беларускай ССР (1968).

Біяграфія[правіць | правіць зыходнік]

Скончыў Беларускі тэатральны інстытут (1949) па спецыяльнасці «акцёр драматычнага тэатра» (першы выпуск інстытута, курс Еўсцігнея Міровіча). З 1949 дыктар (да 1987) і артыст Нацыянальнай тэлерадыёкампаніі Беларусі. З 1959 выкладае ў Беларускай дзяржаўнай акадэміі мастацтваў (з 1992 прафесар кафедры сцэнічнай мовы), з 1995 адначасова ў Беларускім універсітэце культуры.

Творчасць[правіць | правіць зыходнік]

Яго мастацтва выявілася ў радыёпастаноўках «Прымакі» Я. Купалы, «Паляўнічае шчасце» Э. Самуйлёнка, «Сцяг брыгады» А. Куляшова, «Незабыўныя дні» М. Лынькова, у шматсерыйным радыёспектаклі «Доктар Русель» У. Дзюбы. Сярод запісаў: на радыё — «Скіп’ёўскі лес» К. Чорнага (1995), «Пан Тадэвуш» А. Міцкевіча (1997), на грампласцінках — паэмы «Курган» Я. Купалы, «Новая зямля» і «Сымон-музыка» (урыўкі) Я. Коласа, «Мужнасць» і «Летні дзень» (урыўкі) П. Глебкі, «Дзесяты падмурак» П. Труса, вершы М. Багдановіча, П. Броўкі.

Зноскі

  1. Памёр легендарны дыктар Ілля Курган // сайт «Наша Ніва» 21 жніўня 2019

Літаратура[правіць | правіць зыходнік]

Спасылкі[правіць | правіць зыходнік]

«Я Курган, про меня ещё Янка Купала писал». Легендарный диктор — про старость, культуру и шутки // TUT.BY 26 мая 2016