Агароднікі (Ганчарскі сельсавет)

Вёска Агароднікі Капліца Святых Яхіма і Ганны (Агароднікі) Краіна Беларусь Вобласць Гродзенская Раён Лідскі Сельсавет Ганчарскі Каардынаты 53°42′55″ пн. ш. 25°27′25″ у. д. Насельніцтва ▼138 чал. (2009) Часавы пояс UTC+3 Тэлефонны код +375 1561 Паштовыя індэксы 231304 Аўтамабільны код 4 СААТА 4236827066 Агароднікі на карце Беларусі ±

Агароднікі на Вікісховішчы

Агаро́днікі (трансліт.: Aharodniki, руск.: Огородники) — вёска ў Лідскім раёне Гродзенскай вобласці. Стаіць на рацэ Нёман, на шашы Ліда — Бярозаўка. Уваходзіць у склад Ганчарскага сельсавета.

Гісторыя

За 1-1,5 км ад вескі, ніжэй цячэння Нёмана, на высокім правым беразе знаходзіцца селішча эпохі феадалізму. Тут выяўлены крамянёвыя прылады.

З пачатку XVIII ст. да 1930-х гадоў на поўнач ад сённяшняга паселішча знаходзіўся маёнтак Вашкевічы. На ўзвышанай надпойменнай тэрасе Нёмана стаяў палац, пабудаваны гаспадаром маёнтка графам Салагубам. У канцы XIX ст. гэты маёнтак з палацам і ўсімі пабудовамі перайшоў у спадчыну графу Ленскаму.

З часам Зянон Ленскі стаў адным з заснавальнікаў саматужных майстэрняў шкла ў Бярозаўцы, якія пазней расшырыліся і пераўтварыліся ў шклозавод «Нёман». Аднак сталася так, што, дажыўшы да галечы, Ленскі вымушаны быў прадаць частку маёнтка. Сядзібу з палацам выкупіў у Ленскага граф Ледухоўскі, заўзяты карцёжнік і гуляка. Граф вярнуўся з Вільні ў маёнтак, калі быў пазбаўлены сродкаў для існавання. Аднойчы выбухнуў пажар, і палац згарэў. Ледухоўскі выставіў маёнтак на аўкцыён ужо без палаца. У 1932 годзе сядзібу маёнтка разам з касцёлам, які стаяў побач, выкупіў у Ледухоўскага Адольф Чылек. Другую частку ён выкупіў у графа Ленскага і стаў адзіным уладальнікам.

Касцёл Святых Яхіма і Ганны быў пабудаваны па праекце італьянскага архітэктара Петрунэлі, якога запрасіў у 1763 годзе мецэнат будоўлі граф Салагуб. Некалькі разоў касцёл цярпеў ад пажару. Пасля апошняга, у 1975 годзе, адноўлены ў чэрвені 2000 года. Рэстаўрацыйныя работы вяліся на працягу 5 гадоў па праектных дакументах Петрунэлі, якія захаваліся і былі знойдзены ў Гродзенскім абласным архіве.

Вядомыя асобы

• Вітольд Ашурак (1970—2021) — грамадскі і палітычны актывіст, палітычны зняволены.

Спасылкі

• Агароднікі (Вашкевічы) — фота і помнікі — radzima.org
• Агароднікі: Вёска-спадарожніца на карце Лідчыны — pawet.net
• Шымялевіч Міхал. Вашкевічы // Наша слова.pdf № 3 (107), 17 студзеня 2024. — pawet.net