Васіль Мікітавіч Тацішчаў

Васіль Тацішчаў
Асабістыя звесткі
Дата нараджэння	19 (29) красавіка 1686 ці 29 красавіка 1686(1686-04-29)
Месца нараджэння	Пскоў, Пскоўскі павет[d], Санкт-Пецярбургская губерня
Дата смерці	15 (26) ліпеня 1750 (64 гады) ці 26 ліпеня 1750(1750-07-26) (64 гады)
Месца смерці	Болдзіна, Дмітраўскі павет[d], Маскоўская губерня, Расійская імперыя
Грамадзянства	Расійская імперыя
Бацька	Q121859440?
Дзеці	Yevgraf Tatishchev[d] і Q110995185?
Прафесійная дзейнасць
Род дзейнасці	падарожнік-даследчык, антраполаг, гісторык, географ, эканаміст, палітык, гісторыя, эканоміка, lexicologist
Подпіс
Медыяфайлы на Вікісховішчы

Васі́ль Мікі́тавіч Таці́шчаў (29 (19) красавіка 1686, Пскоўскі павет — 26 ліпеня 1750, сядзіба Болдзіна (цяпер Салнечнагорскі раён, Маскоўская вобласць)) — расійскі дзяржаўны дзеяч, гісторык.

Біяграфія

Скончыў Маскоўскую інжынерную і артылерыйскую школу. Удзельнік Палтаўскай бітвы (1709). Шмат год кіраваў заводамі на Урале.

Выявіў і надрукаваў кароткую рэдакцыю Рускай праўды, Судзебнік 1550 года. Аўтар першага расійскага энцыклапедычнага слоўніка «Лексікон расійскі гістарычны, геаграфічны, палітычны і грамадскі» (ч. 1—3, 1793, да літары К).

Галоўная праца В. М. Тацішчава — «Гісторыя Расійская» (т. 1—4, 1768—1784; т. 5, 1848) — збор рускіх і замежных летапісных і іншых старажытных крыніц, частка якіх, у т. л. Полацкі летапіс, не збераглася. Часта паводле В. Тацішчава дэталізуюць многія падзеі, у т.л. з гісторыі Беларусі, напрыклад: намер князя Глеба Менскага ў 1119 заваяваць Наўгародскую і Смаленскую землі, час заснавання горада Барысава, паходжанне назвы «Белая Русь», герба Вялікага Княства Літоўскага — «Пагоні» і інш. Аднак, праўдзівасць унікальных звестак В. Тацішчава пастаўлена пад сумненне.

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. — ISBN 985-6302-33-1.