Адольф Косарак

Адольф Косарак
Адольф Косарак
Дата нараджэння	6 студзеня 1830[…]
Месца нараджэння	Гералец[d], Гаўлічкаў-Брод[d], раён Гаўлічкаў-Брод[d], Чэхія[…];
Дата смерці	30 кастрычніка 1859[…] (29 гадоў) ці 29 кастрычніка 1859[…] (29 гадоў)
Месца смерці	Прага, Каралеўства Багемія, Землі багемскай кароны, Аўстрыйская імперыя[…];
Месца пахавання	Malostranský hřbitov[d];
Грамадзянства	Аўстрыйская імперыя;
Род дзейнасці	мастак, пейзажыст
Жанр	пейзаж
Вучоба	Пражская акадэмія мастацтваў;
Подпіс
	Медыяфайлы на Вікісховішчы

Адольф Ко́сарак (чэшск.: Adolf Kosárek; 6 студзеня 1830, Гералец каля г. Гумпалец, Маравія — 30 кастрычніка 1859, Прага) — чэшскі жывапісец; адзін з заснавальнікаў нацыянальнай школы рэалістычнага пейзажа 19 ст.

Біяграфія

А. Косарак пачаў маляваць яшчэ ў дзяцінстве, аднак сціснутыя жыццёвыя акалічнасці не дазволілі яму адразу прысвяціць сябе мастацкай творчасці. Толькі пры фінансавай падтрымцы архібіскупа Пражскага Б. Шварцэнберга і ва ўзросце больш за 20-ці год Косарак паступае ў Пражскую акадэмію мастацтваў, якую скончыў ў 1855 годзе. Быў вучнем і паслядоўнікам мастацкай школы Макса Гаўсгофера.

А. Косарак шмат падарожнічаў, наведаў Баварыю, Альпы; ў 1856 годзе — востраў Руген.

Мастак памёр ад сухотаў ва ўзросце 29 гадоў.

Творчасць

Творчасці ўласцівы паступовы пераход ад пейзажа ідэалізавана-рамантычнага да заснаванага на непасрэдным назіранні натуры, прастата матываў і паэтычнае адлюстраванне станаў прыроды, перадача асаблівасцей ландшафту Чэхіі і Маравіі: «Змрок» (1853), «Матыў з Пардубіцаў» (1854), «Пейзаж з каменным мостам» (1855), «Чэшскі пейзаж» (каля 1858), «Пейзаж з капліцай» (каля 1859) і інш. Многія яго работы выстаўлены ў Нацыянальнай галерэі, у горадзе Прага.