Акупацыя Дамініканскай Рэспублікі войскамі ЗША (1965—1966)
Акупацыя Дамініканскай Рэспублікі войскамі ЗША 1965—66 гг. (англ. United States occupation of the Dominican Republic) ваенная аперацыя пад кодавай назвай «Сілавы вузел» (англ. Operation Power Pack). У аперацыі удзельнічалі армія ЗША, а таксама Панамерыканскія міратворчыя сілы (ПМС) (Бразілія, Гандурас, Коста-Рыка, Сальвадор, Нікарагуа, Ямайка і Парагвай) Мэтай аперацыі было фармальна аб’яўлена абарона грамадзян ЗША ў краіне, дзе ішла грамадзянская вайна паміж ваеннай хунтай (якая кантралявала ўсю краіну з 1963 па красавік 1965 г. і поўнач Дамініканскай Рэспублікі з 25 краксавіка 1965 г.) і прыхільнікамі аднаўлення Канстытуцыі 1963 г на чале з часовым прэзідэнтам Кааманьё і левымі сіламі, якія кантралявалі поўдзень краіны і сталіцу).
Аперацыя пачалася 28 красавіка 1965 года высадкай марской пехоты ЗША у гарадах Бараёна і Айна. З 29 красавіка армія ЗША пачала штурм сталіцы краіны Санта-Дамінга, які працягнуўся да 19 мая.
31 жніўня 1965 г. удзельнікі грамадзянскай вайны падпісалі Дамініканскі акт прымірэння (канчатковае мірнае пагадненне) і быў абраны часовы прэзідэнт Эктор Касерас, а 1 чэрвеня 1966 г. паўнапраўным прэзідэнтам краіны быў абраны Хоакін Балагер. Пасля гэтага у верасні 1966 г. амерыканскія войскі пакінулі Дамініканскую рэспубліку (засталіся толькі саветнікі). У выніку аперацыі загінула 44 і было паранена 283 амерыканскіх вайскоўца, а таксама паранена 17 салдат ПМС[1] Дамініканцы страцілі некалькі тысяч чалавек з абодвух бакоў, без уліку мірнага насельніцтва.
Спасылкі
[правіць | правіць зыходнік]- Darrell G. McPherson The Role of the Army Medical Service in the Dominican Republic Washington D.C. Архівавана 24 снежня 2010.
- Warnock, A. Timothy. Dominican Crisis: Operation POWER PACK. Short of War: Major USA Contingency Operations edited by A. Timothy Warnock. Air Force History and Museums Program, 2000. pp 63–74.
- 82nd Airborne History Page Архівавана 23 верасня 2009. - Operation Power Pack: A "Road" Test for the 82nd Airborne Division
- Dominican Republic PSYOP, reportage from SGM Herbert A. Friedman
Зноскі
- ↑ Washington Center of Foreign Political Research, National Support of International Peacekeeping and Peace Observation operations (Washington, D.C.: Johns Hopkins University, Feb 70), pp. 289-313.
