Алексіс Цыпрас

Алексіс Цыпрас
грэч. Αλέξης Τσίπρας
прэм’ер-міністр Грэцыі 26 студзеня 2015 — 27 жніўня 2015
Папярэднік	Антоніс Самарас
Пераемнік	Басілікі Тану-Хрыстафілу
прэм’ер-міністр Грэцыі 21 верасня 2015 — 8 ліпеня 2019
Папярэднік	Басілікі Тану-Хрыстафілу
Пераемнік	Кірыякас Міцатакіс
прэзідэнт з 26 мая 2026
Нараджэнне	28 ліпеня 1974(1974-07-28) (52 гады) Афіны, Афіны, Цэнтральныя Афіны[d], Атыка, Грэцыя
Імя пры нараджэнні	грэч. Αλέξης Τσίπρας
Грамадзянства	Грэцыя
Партыя	Elliniki Aristeri Symparataxi[d] ()
Член у	Урад Алексіса Цыпраса[d] () Second Cabinet of Alexis Tsipras[d] ()
Адукацыя	Афінскі нацыянальны тэхнічны ўніверсітэт (2000)
Аўтограф
Узнагароды	прэмія Эвальда фон Кляйста[d] (2019) Вестфальская прэмія міру[d] (2020)
Сайт	intsipras.gr (грэч.)​ (англ.)
Медыяфайлы на Вікісховішчы

Алексіс Цыпрас (грэч. Αλέξης Τσίπρας; нар. 28 ліпеня 1974 года, Афіны) — грэчаскі палітык, старшыня партыі «Сінаспізмас» і лідар Кааліцыі радыкальных левых (СІРЫЗА). З 2015 да 2019 года прэм’ер-міністр Грэцыі.

Біяграфія

Скончыў сярэднюю школу ў сталічным раёне Амбелакіпі. Адукацыю па спецыяльнасці інжынер-будаўнік атрымаў у Афінскім нацыянальным тэхнічным універсітэце, які скончыў у 2000 годзе. Навучаўся ў аспірантуры па тэме гарадскога і рэгіянальнага планавання (горадабудаўніцтва і землекарыстанне), працаваў інжынерам. Аўтар шэрагу артыкулаў і праектаў па добраўпарадкаванні Афін.

У школе выявіў актыўную грамадзянскую пазіцыю, уступіў ў канцы 1980-х у моладзевую структуру Камуністычнай партыі — Камуністычную моладзь Грэцыі, пік актыўнасці ў якой прыходзіўся на 1990—1991 гады. Прымаў актыўны ўдзел у выступах навучэнцаў супраць адыёзнага закона, прапанаванага міністрам адукацыі Васілісам Кантагіянопуласам. Тады Цыпрас быў упершыню запрошаны на тэлебачанне як прадстаўнік пратэстуючых школьнікаў і студэнтаў.

У студэнцкія гады становіцца вядомым актывістам студэнцкага руху, членам студэнцкага прафсаюза і універсітэцкага сената Політэхніёна. У 1995—1997 гадах абіраецца ў Цэнтральны камітэт Нацыянальнага студэнцкага саюза Грэцыі.

Пасля выхаду КПГ з «Сінаспізмас» Цыпрас застаўся ў гэтым левым кааліцыйным руху, пераўтвораным у адзіную партыю. У маі 1999 года ён быў абраны палітычным сакратаром «Моладзі Сінаспізмас» і працягваў займаць гэтую пасаду да лістапада 2003 года. Хоць Цыпрас належаў да радыкальнага левага крыла «Сінаспізмас», на сваёй пасадзе ён часцей выступаў правадніком лініі кіраўніцтва партыі ў моладзевай арганізацыі. Як сакратар «Моладзі Сінаспізмас» прымаў актыўны ўдзел у працэсе падрыхтоўкі Грэчаскага сацыяльнага форуму і міжнародных пратэстаў супраць нэаліберальнай глабалізацыі.

Прыйшоў да ўлады на хвалі абяцанняў не прагінацца перад крэдыторамі.