Алена Аляксандраўна Ігнацюк

Алена Аляксандраўна Ігнацюк
Алена Аляксандраўна Ігнацюк
Асабістыя звесткі
Дата нараджэння	1962
Месца нараджэння	Восаўцы, Асавецкі сельсавет, Драгічынскі раён, Брэсцкая вобласць, БССР, СССР;
Альма-матар	філалагічны факультэт БрДУ імя А. С. Пушкіна[d] (1983);
Месца працы	Брэсцкі дзяржаўны ўніверсітэт імя А. С. Пушкіна; Скарынаўскі Цэнтр; Палескі дзяржаўны ўніверсітэт;
Прафесійная дзейнасць
Род дзейнасці	паэтка
Мова твораў	беларуская
Грамадская дзейнасць
Член у	Саюз беларускіх пісьменнікаў;

Алена Аляксандраўна Ігнацюк (нар. 1962, Восаўцы, Драгічынскі раён) — беларуская паэтэса, сябра Саюза беларускіх пісьменнікаў з 2002 года (рэкамендавалі: Р. Барадулін, Л. Галубовіч, М. Скобла). Даследчыца літаратуры, кандыдат філалагічных навук (1999).

Біяграфія[правіць | правіць зыходнік]

У 1983 годзе скончыла філалагічны факультэт Брэсцкага дзяржаўнага педагагічнага інстытута імя А. С. Пушкіна. Працавала настаўніцай у Белінскай СШ Драгічынскага раёна, пасля — выкладчыкам у Брэсцкім дзяржаўным універсітэце. З 1999 па 2004 гады — старшы навуковы супрацоўнік Нацыянальнага навукова-асветнага цэнтра імя Ф. Скарыны (г. Мінск). Цяпер выкладае культуралогію і эстэтыку ў Палескім універсітэце (г. Пінск).

Аўтар кніг паэзіі: «Нота Ля» (2000), «Летаргія» (2006), «Дыярыуш для дзівалова (зімовыя фантасмагорыя)» (2018), шэрагу літаратуразнаўчых артыкулаў у часопісах «Роднае слова», «Мастацтва». Пачынала пісаць вершы на рускай мове, цяпер яе вершаваная мова — толькі беларуская. Вершы друкаваліся ў часопісах «Крыніца», «Бярозка», «Нёман», «Маладосць», «Беларусь», «Дзеяслоў», «Полымя», штотыднёвіку «ЛіМ» і інш.

Бібліяграфія[правіць | правіць зыходнік]

Будзе ўсё наадварот: вершы / Алена Ігнацюк. — Мінск : Кнігазбор, 2016. — 95 с. — (Кнігарня пісьменніка; вып. 79).
Нота «Ля»: [вершы, паэмы] / Алена Ігнацюк. — Мінск : Медысонт, 2000. — 134 с.
Летаргія: вершы / Алена Ігнацюк. — Мінск : Беларускі кнігазбор, 2006. — 91 с.