Алесь Астапенка

З пляцоўкі Вікіпедыя
Jump to navigation Jump to search
Алесь Астапенка
Асабістыя звесткі
Імя пры нараджэнні: Аляксандр Кірылавіч Астапенка
Псеўданімы: Мсьціслаўцы (разам з А. Куляшовым і Ю. Таўбіным)
Дата нараджэння: 14 ліпеня 1920(1920-07-14)
Месца нараджэння:
Дата смерці: 20 ліпеня 1970(1970-07-20) (50 гадоў)
Грамадзянства:
Альма-матар:
Месца працы:
Прафесійная дзейнасць
Род дзейнасці: перакладчык, літаратуразнавец, паэт
Мова твораў: беларуская
Дэбют: 1942
Грамадская дзейнасць
Член у
Узнагароды:
ордэн Айчыннай вайны II ступені

Алесь (Аляксандр Кірылавіч) Астапенка (14 ліпеня 1920, в. Сырская Буда, Рагачоўскі павет, Гомельская губерня — 20 ліпеня 1970; Псеўданімы: Мсьціслаўцы (разам з А. Куляшовым і Ю. Таўбіным)) — беларускі паэт, літаратуразнавец.

Біяграфія[правіць | правіць зыходнік]

Нарадзіўся 14 ліпеня 1920 года ў в. Сырская Буда ў сялянскай сям’і. Да Вялікай Айчыннай вайны скончыў 3 курсы літаратурнага факультэта Мінскага педагагічнага інстытута (1938—1941)[1]. Адначасова працаваў у рэдакцыі газеты «Звязда». Падчас Вялікай Айчыннай вайны — рэдактар і дыктар беларускай рэдакцыі Усесаюзнага радыёкамітэта (Масква)[1], удзельнічаў у баях на Заходнім і Бранскім франтах. Улетку 1943 г. пад Арлом быў цяжка паранены. З восені 1943 г. зноў працаваў на радыё ў Маскве. Вярнуўшыся ў Мінск, загадваў аддзелам літаратуры і мастацтва газеты «Чырвоная змена» (1946—1947), аддзелам піянерскага жыцця часопіса «Бярозка» (1947—1953). Член Саюза пісьменнікаў СССР (з 1947).

Творчасць[правіць | правіць зыходнік]

Выступаў з рэцэнзіямі і артыкуламі з 1940 г. Дэбютаваў вершам у 1942 г[1]. Аўтар зборнікаў паэзіі «Выпрабаванне» (1947, дапоўненае выданне ў 1980), «Дзень маёй Радзімы» (1952), «Выбранае» (1957), «Сэрца спявае» (1960). Паасобныя вершы пакладзены на музыку.

У вершах услаўляў ваенны подзвіг савецкага чалавека, яго стваральную працу.

Перакладаў на беларускую мову творы рускіх, украінскіх, літоўскіх, латышскіх, нямецкіх паэтаў, у тым ліку М. Ісакоўскага(руск.) бел., Я. Райніса, П. Тычыны(руск.) бел.[1], Л. Гіры[2], а таксама грузінскія казкі.

Узнагароды[правіць | правіць зыходнік]

Узнагароджаны ордэнам Айчыннай вайны II ступені і медалямі.

Зноскі

  1. 1,0 1,1 1,2 1,3 Астапенко Алесь // Биографический справочник — Мн.: «Белорусская советская энциклопедия» имени Петруся Бровки, 1982. — Т. 5. — С. 32. — 737 с..
  2. Гира Людас Константинович // Биографический справочник — Мн.: «Белорусская советская энциклопедия» имени Петруся Бровки, 1982. — Т. 5. — С. 147. — 737 с.

Літаратура[правіць | правіць зыходнік]

  • Беларускія пісьменнікі (1917—1990): Даведнік; Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. ISBN 5-340-00709-X
  • Аляксандр Кірылавіч Астапенка // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: БелЭн, 1992—1995.

Спасылкі[правіць | правіць зыходнік]