Аляксандра Мікалаеўна Чарадкова

З пляцоўкі Вікіпедыя
Jump to navigation Jump to search
Аляксандра Мікалаеўна Чарадкова
руск.: Александра Николаевна Чередкова
Дата нараджэння 9 мая 1913(1913-05-09) (107 гадоў)
Месца нараджэння вёска Углынь, Рузскі павет, Маскоўская губерня, Flag of Russia.svg Расійская імперыя
Род дзейнасці вучоны
Навуковая сфера ветэрынарыя
Месца працы Ленінградскі ветэрынарны інстытут, Віцебскі ветэрынарны інстытут
Навуковая ступень доктар біялагічных навук
Навуковае званне прафесар
Альма-матар Ленінградскі ветэрынарны інстытут
Партыя
Узнагароды і прэміі
Медаль «За абарону Ленінграда»
Медаль «За доблесную працу ў Вялікай Айчыннай вайне 1941-1945 гг.»
Медаль «За працоўную доблесць»
Медаль «У памяць 250-годдзя Ленінграда»

Аляксандра Мікалаеўна Чарадко́ва[1] (руск.: Александра Николаевна Чередкова; 9 мая 1913) — вучоны ў галіне ветэрынарыі, доктар біялагічных навук (1960), прафесар (1962).

Біяграфія[правіць | правіць зыходнік]

Нарадзілася ў вёсцы Углынь Маскоўскай губерні (зараз у Рузскім раёне Маскоўскай вобласці Расіі). У 1931 годзе скончыла Маскоўскі педагагічны тэхнікум Прафінтэрна[2], у 1935 годзе — Ленінградскі ветэрынарны інстытут (сучасная Санкт-Пецярбургская дзяржаўная акадэмія ветэрынарнай медыцыны). Да 1937 года працавала ветэрынарным урачом на 16-м конным заводзе імя С. М. Будзённага. З 1939 года праходзіла навучанне ў аспірантуры Ленінградскага ветэрынарнага інстытута пры кафедры нармальнай фізіялогіі. Была прызваная на службу ў Чырвоную Армію ў якасці начальніка ветэрынарнай службы 79-га стралковага палка 123-й дывізіі. Пасля звальнення са службы ў канцы 1940 года вярнулася да навучання ў аспірантуры і абараніла дысертацыю на званне кандыдата навук. Зноў бы прызваная на службу у Чырвоную Армію на пасаду выкладчыка ваенна-ветэрынарнага вучылішча. У 1944—1961 гг. у Ленінградскім ветэрынарным інстытуце[1]. У 1958 годзе абараніла доктарскую дысертацыю на тэму «Фізіялогія стрававання сельскагаспадарчых жывёл». У 1961—1970 гг. А. М. Чарадкова працавала ў Віцебскім ветэрынарным інстытуце, узначальвала кафедру нармальнай і паталагічнай фізіялогіі.

Навуковая дзейнасць[правіць | правіць зыходнік]

А. М. Чарадкова займалася даследаваннямі абмену рэчываў, стрававання сабак, свіней, авечак і іншых жывёл, вугляводна-ліпіднага абмену і малочнай прадукцыйнасці буйной рагатай жывёлы. Прапанавала радыяметрычны метад вывучэння функцыі шчытападобнай залозы ў свіней.

Пад кіраўніцтвам А. М. Чарадковай абаранілі кандыдацкія дысертацыі В. К. Гусакоў, Ю. Нікіцін, У. А. Целяпнёў, А. І, Караваеў, А. І. Кіеня, Ф. Б. Фалкіна[2].

Узнагароды[правіць | правіць зыходнік]

Зноскі

Літаратура[правіць | правіць зыходнік]

Спасылкі[правіць | правіць зыходнік]