Аляксандр Баршчэўскі

Аляксандр Баршчэўскі
Асабістыя звесткі
Імя пры нараджэнні	Аляксандр Баршчэўскі
Псеўданімы	Алесь Баршчэўскі
Дата нараджэння	2 лістапада 1930(1930-11-02) (89 гадоў)
Месца нараджэння	Бандары, Гміна Міхалова, Беластоцкі павет, Падляскае ваяводства, Польшча
Грамадзянства	Польшча
Альма-матар	Лодзінскі ўніверсітэт
Месца працы	Варшаўскі ўніверсітэт
Прафесійная дзейнасць
Род дзейнасці	літаратуразнавец, паэт
Мова твораў	беларуская
Грамадская дзейнасць
Член у	Беларускае літаратурнае аб’яднанне «Белавежа»
Узнагароды

Аляксандр Баршчэўскі (псеўд. Алесь Баршчэўскі, 2 лістапада 1930, в. Бандары, Беластоцкае ваяводства) — беларускі паэт і літаратуразнавец. Доктар філалагічных навук.

Біяграфія

Скончыў Лодзінскі ўніверсітэт у 1955. 3 1956 выкладчык Варшаўскага ўніверсітэта. У 1966 абараніў у Варшаўскім універсітэце кандыдацкую дысертацыю на тэму «Творчасць Я. Коласа 1906—1930 гадоў»; загадчык кафедрай беларускай філалогіі гэтага ўніверсітэта з 1975. Узначальваў Беларускае літаратурнае аб’яднанне «Белавежа» пры Галоўным праўленні Беларускага грамадска-культурнага таварыства.

У 1975—2004 ён узначальваў аддзяленне Беларускіх даследаванняў пры Варшаўскім універсітэце. Супрацоўнічаў з Люблінскім каталіцкім універсітэтам(польск.) бел. і Універсітэтам Марыі Складоўскай-Кюры^{[прыбраць шаблон]}. У 1993 годзе атрымаў званне ганаровага доктара(руск.) бел. Беларускага дзяржаўнага ўніверсітэта ў Мінску. З 1993 года з'яўляецца старшынёй Цэнтральнага камітэта Алімпіяды па беларускай мове(польск.) бел. ў Польшчы.

Творчасць

Друкуецца з 1956 года. Як паэт дэбютаваў у зборніку «Рунь» (Беласток, 1959). Аўтар паэтычных зборнікаў «Белавежскія матывы» (Беласток, 1962), «Жнівень слоў» (Беласток, 1967), «Мой бераг» (Мінск, 1975), «Блізкасць далёкага» (Беласток, 1983), «Лірычны пульс» (Мінск, 1987). У паэзіі А. Баршчэўскага матывы вернасці роднай зямлі, мове, складаны і супярэчлівы духоўны свет сучасніка.

Аўтар артыкулаў па гісторыі беларускай літаратуры (у штотыднёвіку «Ніва» і «Беларускім каляндар») і цыклу артыкулаў «Беларуская літаратура і беларускі фальклор» (1965—88), універсітэцкіх падручнікаў «Гісторыя беларускай літаратуры — фальклор» (1976), «Гісторыя беларускай літаратуры — пісьменнасць Кіеўскай Русі і Вялікага Княства Літоўскага» (1981) і інш. Пераклаў на польскую мову зборнік беларускіх народных казак «Д'ябальская скрыпка» (1973) зборнік казак Міншчыны, Гарадзеншчыны і Магілёўшчыны «Невычэрпны збан» (1976). Складальнік, аўтар прадмовы і біяграфічнага артыкула да кнігі Я. Купалы «Выбраныя паэтычныя творы» (Варшава, 1984), для якой пераклаў на польскую мову паэму «Яна і Я», а таксама вершы. Збірае, публікуе і даследуе беларускі фальклор Беласточчыны. Аўтар зборніка абразкоў, артыкулаў, дарожных нататак «3 пабачанага і перажытага» (Мінск, 1992).

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.
• Lesław M. Bartelski: Polscy pisarze współcześni, 1939—1991: Leksykon. Wydawn. Nauk. PWN. ISBN 83-01-11593-9.

Спасылкі

• Aleksander Barszczewski na stronie Uniwersytetu Warszawskiego (польск.) 
• Aleksander Barszczewski na stronie bialorus.pl (польск.)