Аляксандр Быхавец

Аляксандр Быхавец
руск.: Александр Иосифович Биховец
Магіла
Нараджэнне	XIX стагоддзе
Смерць	1863 Магілёўцы, Лыскаўская воласць[d], Ваўкавыскі павет, Гродзенская губерня, Літоўскае генерал-губернатарства, Расійская імперыя
Род	Быхаўцы
Бацька	Юзаф Быхавец
Маці	Разалія з Біспінгаў[d]
Дзеці	Юлія з Быхаўцаў[d] і Станіслаў Юзаф Даніэль Быхавец[d]

Алякса́ндар Восіпавіч Бы́хавец герба «Магіла» (? — 1863, Магілёўцы) — шляхціч, гісторык-аматар XIX стагоддзя.

Біяграфія

Валодаў маёнткам Магілёўцы ў Ваўкавыскім павеце Гродзенскай губерні. У яго бібліятэцы ў 1820-х гадах быў выяўлены летапісны звод XVI стагоддзя па гісторыі Вялікага Княства Літоўскага. У 1834 Аляксандр Быхавец перадаў рукапіс Тэадору Нарбуту, які выдаў яго пад назвай «Хроніка Быхаўца» ў 1846 годзе.

Сям’я

У шлюбе з Даміцэляй з Бучынскіх меў дзяцей:

• Казімір, генерал-маёр расійскага войска. Памёр бяздзетным.
• Станіслаў Юзаф Даніэль (1829—1883), генерал-маёр расійскага войска. Памёр бяздзетным. Жалобнае набажэнства па памерлым генерале адбылося ў чэрвені 1883 года ў капліцы ў маёнтку Магілёўцы па асабістым дазволе гродзенскага губернатара Мікалая Цэймерна. Пахаваны ля вёскі Барысікі Пружанскага раёна.
• Юлія (1825—1858), у шлюбе з Яўстахам Дзяконскім (1820—1894) мела сына Казіміра (?—1913). Памерла вельмі маладой і была пахавана на каталіцкіх могілках у Сапоцкіне (Гродзенскі раён).